Fréttir

Frístunda- og menningarnefnd óskar eftir tilnefningum til Hvatningarverðlauna Sveitarfélagsins Voga fyrir ungmenni í íþróttum með lögheimili í Vogum. Öllum íþróttafélögum og einstaklingum í sveitarfélaginu er heimilt að senda inn tilnefningar.

Í síðustu viku tók Hólmfríður Jennýjar Árnadóttir sviðsstjóri fjölskyldusviðs við styrk fyrir hönd Sveitarfélagsins Voga fyrir verkefni sem ber heitið: Saman í samfélagi - þátttaka á jafningjagrunni. Það ríkir mikil ánægja með þessa veglegu upphæð sem mun nýtast vel til að sinna inngildingu í fjölmenningarsamfélagi.

Nú nálgast jól og áramót með tilheyrandi frídögum og helgidögum. Vegna rauðra daga yfir hátíðirnar má búast við að sorphirða verði framfærð eða seinkuð um einn til tvo daga frá hefðbundinni áætlun.

Bæjarstjórn Sveitarfélagsins Voga samþykkti á fundi sínum í gær fjárhagsáætlun næsta árs og þriggja ára áætlun 2026-2029. Samkvæmt fjárhagsáætlun næsta árs er gert ráð fyrir að rekstrarniðurstaða A og B hluta verði jákvæð um 168 milljónir króna og veltufé frá rekstri um ríflega 340 milljónir króna, eða sem nemur 11,4% af áætluðum heildartekjum ársins.

Hluti ungmennaráðs Voga ásamt starfsfólki þess sótti ráðstefnu ungmennráða sveitarfélaga síðastliðinn föstudag á Hilton Nordica í Reykjavík. Þar voru saman komin ungmenni alls staðar af landinu og mikið fjör.

240. fundur bæjarstjórnar Sveitarfélagsins Voga verður haldinn í fundarsal bæjarstjórnar Iðndal 2, miðvikudaginn 10. desember 2025 og hefst kl. 17:30.

Vegna framkvæmda verður Tjarnargata lokuð fyrir umferð frá Kirkjugerði að Aragerði á morgun 9. desember og mögulega þann 10. desember einnig.

Lokun á heitu vatni á Suðurnesjum vegna viðgerðar á Njarðvíkuræð síðdegis þriðjudaginn 9. desember

Nemendafélag Stóru-Vogaskóla í samstarfi við félagsmiðstöðina ætla að halda jólaball fimmtudaginn 11. desember fyrir 1.-4. bekk frá 16:00 - 17:00. Það verður dansað í kring um jólatréð, farið í leiki, og boðið upp á heitt kakó og piparkökur. Ásamt því verður hægt að leika sér í félagsmiðstöðinni. Sjoppa á staðnum, kostar 500 kr inn.

Núverandi leiðakerfi landsbyggðavagna er 13 ára gamalt og hefur ekki verið uppfært í takti við uppbyggingu þéttbýliskjarna síðustu ára, sem og þær breytingar sem hafa orðið á íbúa- og byggðamynstri.