Bókasafn Stóru- Vogaskóla og Lestrarfélagið Baldur

Stóru-Vogaskóla
Tjarnargötu 2
190 Vogar
Stóru-Vogaskóli

Forstöðumaður bókasafns er:  
Svava Bogadóttir

Starfsmaður bókasafns er:  
Elín Þóra Albertsdóttir

Sími: 440 6289
Netfang: bokasafn@vogar.is

Lestrarfélagið Baldur á Facebook

Opnunartímar bókasafnsins frá 1.september 2018
Mánudagar     kl. 13:00-19:00
Þriðjudagar     kl. 13:00-14:30
Miðvikudagar kl. 13:00-15:00
Fimmtudagar  kl. 13:00-20:00
Föstudagar, laugadagar og sunnudagar – LOKAÐ

Bókasafnið er til húsa í Stóru-Vogaskóla og hýsir skólabókasafnið og almenningsbókasafnið sem gengur undir nafninu Lestrarfélagið Baldur. Einnig er samstarf milli bókasafnsins og annarra almenningsbókasafna á Suðurnesjum. Þannig geta skírteinishafar fengið lánaðar bækur á bókasöfnum nágrannasveitarfélaganna á Suðurnesjum og skilað á bóksafnið í Vogum.

Safnkostur: íslenskar skáldsögur, þýddar skáldsögur, ævisögur, fræðirit ýmis konar, barnabækur, unglingabækur, handbækur, hljóðbækur, tímarit og teiknimyndasögur. Samtals á bókasafnið um það bil 13.000 safngögn.

Ef þú hefur áhuga á bókum eða tímaritum sem ekki eru á safninu, þá endilega láttu bókavörð vita!

Ágæt aðstaða er  til lestrar á bókasafninu og er fólk hvatt til nýta sér þá aðstöðu.  Starfsmaður bókasafnsins er fólki innan handar um að finna og velja bækur.

  • Verð á bókasafnsskírteini er hægt að finna í gjaldskrá sveitarfélagsins og það þarf að endurnýja árlega. Skírteini eru ókeypis fyrir börn yngri en 18 ára, eldri borgara, öryrkja og atvinnulausa.
  • Útlánstími á hverja bók er 30 dagar, en nýjar bækur eru lánaðar í 14 daga. Hægt er að fá lán framlengt ef ekki er búið að panta bókina. Framlengja má lánstíma bóka með því að fara inn á eigið svæði í www.leitir.is  og endurnýja sjálfur eða hringja í bókasafnið, en aðeins ef pöntun á þeim liggur ekki fyrir. Ef farið er fram yfir lánstíma, er dagssektir fyrir hvert eintak.
  • Nemendur í Stóru-Vogaskóla greiða ekki sektir af bókum sem þeir taka að láni á bókasafnsskírteini í skóla.
  • Miðað er við að hver lánþegi geti verið með mest 20 bækur í láni í einu.
  • Nemendur í Stóru-Vogaskóla mega hafa 3 bækur í láni í einu.
  • Hægt er að fá bækur í millisafnaláni. Með millisafnalánum er átt við það þegar bókaverðir útvega rit sem bókasafnið á ekki, frá öðrum bókasöfnum. Það kostar að fá hvert eintak í millisafnaláni, sjá gjaldskrá Sveitarfélagsins Voga.
  • Einnig er hægt að láta taka frá fyrir sig bækur sem eru í útláni. Hver pöntun kostar, sjá gjaldskrá Sveitarfélagsins Voga.

Safnkostur bókasafnsins er skráður á www.leitir.is  Á vefnum býðst aðgengi á einum stað að fjölbreyttum safnkosti bókasafna á Íslandi og efni valinna sérsafna. Kerfið veitir upplýsingar um safnkost og aðgang að rafrænu efni hvort sem um er að ræða texta eða myndrænt efni. Jafnframt eru rafrænar tímaritsgreinar og gagnagrunnar í hvar.is leitarbær í gegnum leitir.is

Þú getur fylgst með útlánum þínum á www.leitir.is

Eftir að hafa fengið lykilorð frá bókasafninu er hægt að skrá sig inn á www.leitir.is   Smellt er á Innskráning og kennitalan slegin inn (án bandstriks) í reitinn Notandanafn og síðan lykilorðið í reitinn þar fyrir neðan. Svo er smellt á Innskrá og á  Mínar síður.

Á Mínum síðum geta viðskiptavinir:

  • Séð hvað þeir eru með í láni.
  • Endurnýjað lán ef enginn biðlisti er eftir gögnunum.
  • Sett sig á biðlista eftir gögnum sem eru í útláni.
  • Skoðað frátektirnar sínar og séð hvar í röðinni þeir eru.
  • Skoðað fyrri útlán sín.

Við mælum með að lykilorði sé breytt eftir fyrstu innskráningu.

Eftir sem áður er viðskiptavinum velkomið að hringja í bókasafnið og spyrjast fyrir um stöðu sína eða fá lán framlengd. Síminn er 440 6289.

Nokkrir gagnlegir tenglar:
www.leitir.is (upplýsingar um safnkost bókasafna á Íslandi og ýmissa sérsafna)
www.hvar.is (landsaðgangur að rafrænum tímaritum og gagnasöfnum)
www.timarit.is (tímarit og dagblöð frá Íslandi, Færeyjum og Grænlandi)
http://bokasafn.reykjanesbaer.is/default.aspx (Bókasafn Reykjanesbæjar)
www.landsbokasafn.is (Landsbókasafn Íslands-Háskólabókasafn)
www.borgarbokasafn.is (Borgarbókasafn Reykjavíkur)
Bækur og greinar sem fjalla um sveitarfélagið. 

Verið velkomin á bókasafnið ykkar í Vogum!

Getum við bætt efni síðunnar?