Dagforeldrar

Starfandi dagforeldri í Sveitarfélaginu Vogum 2026:

• Melkorka Bríet Brown Kristinsdóttirs: 8623662
• Heimilisfang: Aragerði 17, 190 Vogar
• Netfang: melkorka1990@gmail.com
• Opnunartími: kl. 08:00-16:00 alla virka daga

Dagforeldrar eru sjálfstætt starfandi, en Sveitarfélagið Vogar sér um leyfisveitingar og sinnir lögbundnu eftirliti með starfseminni auk ráðgjafar til dagforeldra og foreldra. 

Dagforeldrar sjá sjálfir um skráningu og innritun barna en sveitarfélagið greiðir framlag með börnum hjá dagforeldrum mánaðarlega í ellefu mánuði á ári.

Skilyrði fyrir niðurgreiðslu vegna daggæslu barna í heimahúsum:

• Barn eigi lögheimili í Sveitarfélaginu Vogum og forsjáraðili hafi lokið fæðingarorlofi.
• Barn það sem niðurgreitt er fyrir skal vera á biðlista eftir leikskóladvöl.
• Dagforeldri hafi starfsleyfi samkvæmt reglugerð um daggæslu barna í heimahúsum nr. 907/2005
• Staðfesting á leyfi dagforeldris fylgi umsókn um niðurgreiðslu sé dagforeldri með starfsemi sína í öðru bæjarfélagi en Sveitarfélaginu Vogum

Sérstök viðbótarniðurgreiðsla er greidd vegna barna eldri en 18 mánaða. Viðbótarniðurgreiðslur eru samkvæmt gildandi gjaldskrár Sveitarfélagsins Voga hverju sinni.

Niðurgreiðslur vegna dvalar hjá dagforeldrum 2026

Niðurgreiðsla greiðist til dagforeldis samkvæmt samningi. Skilyrði fyrir niðurgreiðslu er að staðfesting á vistunartíma af hálfu dagforeldris.

• Samningur um vistun barns hjá dagforeldri
• Breytingarblað vegna vistunar barns hjá dagforeldri
• Uppsögn á vistun barns hjá dagforeldri

Dagforeldrar sem eru að hefja starfsemi geta sótt um stofnstyrk og í kjölfarið árlegan aðstöðustyrk hjá sveitarfélaginu.

• Stofnstyrkur er 200.000 kr.
• Árlegur aðstöðustyrkur er 100.000 kr.

Sótt er um styrki þessi hér á Íbúagátt: Innskráning | Íbúagátt Voga

Skilyrði styrkveitingar eru eftirfarandi:
1. Dagforeldrar, sem fá leyfi Gæða- og eftirlitsstofnunar velferðamála til daggæslu barna í Vogum í fyrsta sinn, eiga rétt á stofnastyrk.
2. Dagforeldrar sem eru með leyfi til daggæslu barna í Vogum og sem hafa gert þjónustusamning, eiga 12 mánuðum síðar rétt á árlegum aðstöðustyrk.
3. Til að eiga rétt á stofn- og aðstöðustyrk þarf að liggja fyrir þjónustusamningur við mennta- og tómstundasvið.
4. Til að eiga rétt á stofn- og aðstöðustyrk þarf dagforeldri að hafa að lágmarki 3 börn í daggæslu, þar af má eitt barn vera barn dagforeldris.
5. Opnunartími daggæslu skal að lágmarki vera 6 tímar á dag. Ella skerðast greiðslur hlutfallslega. Ef opnunartími er undir 6 tímum á dag skerðist styrkur hlutfallslega sem nemur 10% fyrir hverja klukkustund miðað við fullan styrk.
6. Hefji tveir dagforeldrar með nýtt leyfi starf saman fær hvort um sig greiddan stofnstyrk og hvort um sig aðstöðustyrk til samræmis við reglur þessar. Þegar tveir dagforeldrar starfa saman skal nýta styrkinn til þeirrar aðstöðu sem unnið er í.
7. Hætti dagforeldri störfum innan eins árs frá greiðslu styrksins eða börn í daggæslu eru færri en 3 að meðaltali yfir árið, ber að endurgreiða styrkinn að fullu.
8. Dagforeldri sem fær styrk skuldbindur sig til að nýta styrkinn til að bæta aðstöðu í daggæslunni með tilliti til þarfa og öryggis barna sem þar dvelja.

Reglugerð um daggæslu barna í heimahúsum

Reglur um niðurgreiðslu vegna vistunar barna hjá dagforeldrum