Frístundastyrkur
Sveitarfélagið Vogar greiðir íbúum sveitarfélagsins 18 ára og yngri og 67 ára og eldri árlegan frístundastyrk. Tilgangurinn með styrknum er að gera þessum aldurshópum kleift að iðka frístundir og efla þar með andlega, félagslega og líkamlega heilsu þeirra.
Styrkur er veittur fyrir öllu almennu frístundastarfi, svo sem íþróttastarfi, menningarstarfi og annars konar uppbyggjandi starfi.
Upphæð frístundastyrks er ákvörðuð við gerð fjárhagsáætlunar og árið 2025 er sú upphæð kr. 42.600.
Almennar reglur um frístundastyrk
- Skilyrði er að um skipulagt starf sé að ræða, sem er stundað undir leiðsögn þjálfara eða kennara/leiðbeinanda.
- Greiðslan getur að hámarki numið kostnaði við námskeið.
- Ekki er mögulegt að greiða fyrir sérstakan viðbótarkostnað svo sem tæki og búnað, fatnað, ferðakostnað o.þ.h.
- Þegar foreldri eða forráðamaður hefur ráðstafað styrk til félags er ekki hægt að endurgreiða eða bakfæra.
- Ráðstöfunarréttur styrks fellur niður flytji umsækjandi úr sveitarfélaginu.
- Hafi viðkomandi ekki nýtt sér styrk að hluta eða að fullu falla eftirstöðvar niður um áramót.
Sótt er um frístundastyrkinn í gegnum Sportabler.
Þegar forráðamenn skrá barn til þátttöku í íþrótt eða tómstund þurfa þeir að haka við kassann „nota hvatagreiðslur“ og þá lækkar upphæð æfingagjalda um þá upphæð sem nemur inneign árlegs styrks fyrir barnið.
Nánari upplýsingar gefur Guðmundur Stefán Gunnarsson íþrótta- og tómstundafulltrúi. Netfang gudmundurs@vogar.is
