Fréttir

Frístunda- og menningarnefnd Sveitarfélagsins Voga óskar eftir tilnefningum til menningarverðlauna sveitarfélagsins fyrir árið 2026. Verðlaunin verða afhent við hátíðlega athöfn í Tjarnarsal þann 17. júní nk.

Stóri plokkdagurinn verður haldinn frá morgni til kvölds sunnudaginn 26. apríl. Sveitarfélagið hvetur íbúa og fyrirtæki til virkrar þátttöku á deginum og plokka eins og vindurinn í sínu næsta nágrenni eða á öðrum vel völdum svæðum. Svo er náttúrulega tilvalið að plokka alla daga ársins!

Vegfarendur eru vinsamlegast beðnir um að sýna aðgát vegna kvikmyndatöku sem fram fer á Vatnsleysuvegi og Stóru-Vatnsleysuvegi dagana 11. – 12. apríl næstkomandi.

Opnað verður fyrir umsóknir í vinnuskólann föstudaginn 10. apríl kl. 10:00. Áherslur vinnuskólans verða með sambærilegu sniði og síðustu ár. Kennslu og fræðslu hefur verið gefið aukið vægi og þá einkum fræðsla um réttindi og skyldur á vinnumarkaði, skyndihjálp, vinnuöryggi, umhverfisfræðslu og jákvæð samskipti. Er þetta gert með það að leiðarljósi að þátttakendur vinnuskólans komi betur undirbúnir út í atvinnulífið sem og til að auka gæði þeirrar starfsemi sem fram fer innan vinnuskólans.

Hólmfríður sviðsstjóri fjölskyldusviðs leit við á fundi Vélavina í gamla slysavarnarskýlinu á dögunum.

Aðalsafnaðarfundur Kálfatjarnarsóknar verður haldinn miðvikudaginn 15. apríl kl. 19:30 í sal Álfagerðis í Vogum.

Þriðjudaginn 14. apríl frá 16:30 – 18:30 fáum við Auði I. Ottesen garðyrkjufræðing og ritstjóra tímaritsins Sumarhúsið og garðurinn með námskeið til okkar um sáningu matjurta, krydds og sumarblóma. Námskeiði verður haldið í Álfagerði.

Framboðslistar skulu hafa borist kjörstjórn eigi síðar en kl. 12 föstudaginn 10. apríl 2026. Tekið er á móti framboðslistum á milli kl. 11-12 þennan sama dag, á bæjarskrifstofu Sveitarfélagsins Voga, Iðndal 2.

Jóni Inga Baldvinssyni færður þakklætisvottur á bæjastjórnarfundi í tilefni þessa að hann hefur sagt sig frá kjörstjórn eftir áratugalangt starf.

Sveitarfélagið Vogar vill vekja athygli íbúa á mikilvægi þess að eingöngu sé hent salernispappír í klósett. Því miður hefur borið á því að ýmiss konar úrgangi, svo sem blautþurrkum, pappírshandklæðum og öðrum hlutum, sé hent í klósett.