Fréttir

  Samband við foreldra hefur mikil áhrif á velferð ungmenna.Stuðningur, eftirlit og sá tími sem foreldrar eyða með börnum sínum eru þar lykilatriði.

    Vatnsleysustrandarhreppur á sér merka sögu.Hér var um aldir þétt byggð sjávarbúskapar með ströndinni og yfir veturinn voru íbúar stundum fleiri en nú.

Svanlaug Þorsteinsdóttir, dagforeldri í Sveitarfélaginu Vogum, er með laus pláss fyrir tvö börn.Hægt er að hafa samband við Svanlaugu í síma 567-1771. Gjaldskrá vegna vistunar hjá dagforeldrum má nálgast hér til vinstri undir Sveitarfélagið Vogar/Gjaldskrá/Vistun hjá dagmæðrum.

Nýr starfsmaður hefur tekið til starfa á bæjarskrifstofum SveitarfélagsinsVoga.Gunnella Vigfúsdóttir hóf störf í síðustu viku og leysir RannveiguSveinsdóttur af hólmi, en hún hélt til starfa á fasteignasölu áhöfuðborgarsvæðinu.

  Í dag var sett af stað verkefnið Hingað og ekki lengra, en það er áhugafólk um bætta umferðarmenningu á Suðurnesjum sem stendur að verkefninu og hefur í samstarfi við sveitarfélögin á svæðinu, lögregluna, umferðarstofu, ökukennara, Vegagerðina og aðra þá sem áhuga hafa á umferðarmálum kynnt metnaðarfulla áætlun um baráttuna við ofbeldi í umferðinni. Á fundinum áttu Vogar glæsilegan fulltrúa, en Tinna Guðrún Lúðvíksdóttir sagði frá reynslu sinni af notkun ökurita í bíl sínum eftir bílpróf.

  Niðurgreiðslur til dagforeldra hækka um rúm 100%   Nokkrar breytingar verða á gjaldskrá Sveitarfélagsins Voga á árinu 2007, en skatthlutföll og leikskólagjöld breytast ekki frá árinu 2006.   Stærsta breytingin er að niðurgreiðslur til dagforeldra aukast um rúm 100%, þannig að niðurgreiðsla fyrir fulla vistun verður 25 þús.

  Við þurfum á þínum þrótti og skilningi að halda !   Félagsþjónusta Sandgerðisbæjar, SV.Garðs og Sv.Voga óskar eftir fólki með hjartað á réttum stað !   Óskað er eftir fólki til að starfa sem liðveitandi, persónulegur ráðgjafi og fólki með reynslu af börnum til að sinna hlutverki Stuðningsfjölskyldu.

    Á fundi bæjarstjórnar Sveitarfélagsins Voga þann 9.janúar var ný fjárhagsáætlun ársins samþykkt.Samhliða var rammaáætlun fyrir árin 2008-2010 lögð fram til fyrri umræðu.   Í áætlununum birtist sú stefna að vinna að áframhaldandi uppbyggingu sveitarfélagsins ásamt því að halda uppi góðri þjónustu við íbúana og hlúa vel að skólum og umhverfinu.   Áætlað er að tekjur í heild aukist um 9,5% á árinu 2007.

    Gerður hefur verið samstarfssamningur milli Heilbrigðisstofnunar Suðurnesja (HSS) annars vegar og Sveitarfélagsins Garðs, Grindavíkurbæjar, Sandgerðisbæjar og Sveitarfélagins Voga hins vegar, á sviði forvarna í fjölskyldumálum.

Þretttándagleðin í Vogum var haldin að venju 6.jan síðastliðinn.  Börnin mættu galvösk kl 15.15 og nýttu sér andlitsmálningu sem var  boðið uppá í Félagsmiðstöðinni Borunni.