Fréttir

Sveitarfélagið Vogar auglýsir lausar til umsóknar tvær nýjar íbúðir fyrir eldri borgara í Álfagerði.Í Álfagerði eru alls þrettán íbúðir fyrir 67 ára og eldri og samtengd þjónustumiðstöð.

Opið hús verður í Stóru- Vogaskóla í dag milli kl.13 og 16 fyrir áhugasama umsækjendur um störf við Skólann.Svava Bogadóttir verðandi skólastjóri mun taka á móti umsækjendum með  kaffi og meðlæti og kynna þeim skólann og skólastarfið.

Sveitarfélagið Vogar er áhugaverður og krefjandi vinnustaður með um 80 starfsmenn í fjölbreyttum störfum.Stefna sveitarfélagsins er að vera eftirsóknarverður vinnustaður og nýta og efla þekkingu starfsmanna í þágu samfélagsins.BæjarritariSveitarfélagið Vogar óskar eftir að ráða í nýja stöðu Bæjarritara á skrifstofu sveitarfélagsins.

Sveitarfélagið Vogar óska eftir tilboðum í verkið"GÖTUR, GANGSTÉTTAR OG YFIRBORÐSFRÁGANGUR" Verkið felst í:• Gerð götutengingar og steyptra gangstétta ásamt tilheyrandi regnvatnslögnum við Jónsvör.

Kristín Gísladóttir hefur verið ráðin sérkennslustjóri við Heilsuleikskólann Suðurvelli.Kristín er leikskólakennari að mennt.  Hún útskrifaðist með b-ed gráðu frá Kennaraháskólanum árið 2000.  Hún hefur starfað sem deildarstjóri og aðstoðarleikskólastjóri við leikskólann Ösp í Reykjavík frá árinu 2002.  Við bjóðum Kristínu velkomna til starfa.

Foreldrafélag Heilsuleikskólans Suðurvalla gaf leikskólaum rausnarlegar gjafir nýverið.  Það var hestur í íþróttasalinn sem er fjölnota eins og sjá má á myndunum.  Svona hestur hefur verið óskadraumur okkar kennaranna í nokkur ár.  Þá fékk leikskólinn einnig tvo vandaða prentara á eldribarna deildirnar.  Síðan toppaði foreldrafélagið þetta með því að panta nokkrar dýnur í Barnasmiðjunni fyrir íþróttasalinn.  Við öll hér í leikskólanum, bæði börn og starfsfólk þökkum innilega fyrir okkur.

Nemendur og starfsfólk í Stóru- Vogaskóla og Heilsuleikskólanum Suðurvöllum í Vogum leita að áhugasömu fólki til samstarfs næsta skólaár.Stóru- VogaskóliStóru- Vogaskóli er glæsilegur skóli, einsetinn og heildstæður með um 220 nemendum.

Lausar eru til umsóknar stöður flokkstjóra í vinnuskóla félagsmiðstöðvarinnar Borunnar sumarið 2007.Starfstímabil 15.maí og fram í ágúst.

Merkingar sem banna umferð mótorhjóla og fjórhjóla hafa verið settar upp við reiðveginn sem liggur frá hesthúsahverfinu í Fákadal og meðfram Stapagötu.  Borið hefur á því að vélhjólafólk noti reiðveginn.  Við það losnar yfirborð hans og hann verður hestum þungfær auk þess sem mikil hætta skapast vegna hávaða. Hestar eru í eðli sínu villtar skepnur, en hafa verið tamdir og hlýða bendingum knapans.  Ef hestar hræðast, eins og gerist gjarnan við óvænt og hávær mótorhljóð, kemur flóttaeðli þeirra fram og getur haft ófyrirsjáanlegar afleiðingar. Börn og fullorðnir stunda hestamennsku í Vogum og á Vatnsleysuströnd.  Öryggi er þeim ofarlega í huga.  Þess vegna er þeim vinsamlegu tilmælum beint að vélhjólafólki að það sneiði framhjá reiðvegum í sveitarfélaginu og noti akvegi sem sjaldan eru langt undan og ætlaðir eru vélknúnum farartækjum.

Linda Sjöfn Sigurðardóttir hefur verið ráðin aðstoðarskólastjóri Stóru- Vogaskóla næsta skólaár, en hún leysir af Jón Inga Baldvinsson sem fer í námsleyfi. Linda Sjöfn er grunnskólakennari að mennt og stundar meistaranám í Kennaraháskóla Íslands.