Fréttir

Framkvæmdir við viðgerðir og nýlagningir á götum og gangstéttum eru hafnar, en sveitarfélagið hefur gert samning við Nesprýði ehf um verkefnið. Verkefnið felst í viðgerðum á köntum og gangstéttum á ýmsum stöðum um bæinn og frágangi gatna og opinna svæða. Meðal verkefna eru: Götutenging og steyptar gangstéttar við hafnarsvæði.

Í dag var umferð hleypt á tvöfalda Reykjanesbraut frá Vogavegi að Grindavíkurvegi og mislægu gatnamótin við Voga opnuð.   Ekki þarf að fjölyrða um hversu mikla þýðingu þessi mikla samgöngubót hefur fyrir samfélagið í Sveitarfélaginu Vogum.

Menningar- og sögutengd  ganga um  Garð (um 1.- 2.tíma ferð) í boði Sveitarfélagsins Garðs verður laugardaginn 28.júní kl.11:00 Gangan hefst við stóra upplýsingaskiltið um Garð, við innkomuna í Garð við Garðbraut.

Að venju mun bæjarstjórn veita viðurkenningu þeim sem skara fram úr í umhverfismálum í bæjarfélaginu, eftir tillögum frá umhverfisnefnd.

Á Vogatjörn eru nú að minnsta kosti tvö pör með unga.Á meðfylgjandi mynd Þorvaldar Arnar Árnasonar náttúrufræðings, má sjá grágæsapar með unga á tjörninni.

Í vikunni hófust leikjanámskeið og vinnuskólinn.Átján börn eru skráð á leikjanámskeiðið og fylgja þau skemmtilegri dagskrá alla vikuna.

Allir á völlinn. Heimaleikur Þróttar Vogum 3.flokkur kvenna.Þróttarar fá Snæfellsnes í heimsókn klukkan 14:00 á Vogavelli þann 14.

Blómaskoðun verður við Vogatjörn sunnud.11.júní kl.11 - 13.Þá er haldinn Dagur hinna viltu blóma um öll Norðurlönd.Þann dag gefst fólki víðs vegar um landið kostur á að fara í tveggja tíma gönguferð um nágrenni sitt án endurgjalds, og fá leiðsögn um algengustu plöntur sem þar vaxa.

Ólafur Þór Ólafsson hefur verið ráðinn í nýtt starf frístunda- og menningarfulltrúa Sveitarfélagsins Voga.Hann var valinn úr hópi átta umsækjenda um starfið. Ólafur er stjórnmálafræðingur að mennt, með framhaldsmenntun í stjórnsýslufræðum, og hefur mikla reynslu af íþrótta- og tómstundarmálum auk viðamikillar þekkingar á málefnum sveitarfélaga.

María Hermannsdóttir hefur verið ráðin leikskólastjóri Heilsuleikskólans Suðurvalla og tekur hún við af Salvöru Jóhannesdóttur.