Snjómokstur í Vogum undanfarna daga – þjónustu sinnt samkvæmt viðmiðum

Undanfarna daga hefur vetrarþjónusta sveitarfélagsins staðið vörð um greiðfærni gatna og gönguleiða í Vogum fyrir íbúa og umferð. Vinnuteymi snjómoksturs hefur unnið eftir Viðmiðunarreglum vegna snjómoksturs í Sveitarfélaginu Vogar, þar sem lögð er áhersla á að tryggja að forgangsleiðir séu greiðfærar, sérstaklega stofnbrautir, tengibrautir og leiðir í nágrenni skóla og leikskóla.

Áhersla hefur verið á snjómokstur og hálkuvarnir:

• að fyrst séu ruddar helstu umferðaræðar og leiðir sem liggja að grunn- og leikskólum;
• að göngustígar og helstu tengingar séu hreinsaðar til að auka öryggi gangandi vegfarenda;
• að síðar komi húsagötur sem orðnar eru þungfærar fyrir venjuleg ökutæki;
• og að hálkueyðing sé framkvæmd með saltviðhaldi á þeim leiðum sem það á við.

Íbúar eru minntir á að snjór er ekki mokaður frá innkeyrslum að húsum.

Við þökkum öllum fyrir þolinmæði og hvetjum íbúa til að hafa samband við skrifstofu sveitarfélagsins með ábendingar eða spurningar varðandi þjónustuna.

Mynd: Rafn Sig.