Hreinsun á Kirkjuhvoli
19. júní 2019
Nóg verk er fyrir höndum eins og sjá má og meira inni
Það er nóg um að vera hjá Sögu- og minjafélagi Vatnsleysustrandar þessa dagana. Eins og öllum er kunnugt festi félagið nýverið kaup á Kirkjuhvoli hinu forna samkomuhúsi á Vatnsleysuströnd. Nú er unnið að hreinsun hússins og gengur vel enda vinna margar hendur létt verk. U.þ.b þriðjungur af drasli er farinn, heill gámur af járni. Margir hafa heimsótt í Kirkjuhvol undanfarna daga, hjálpað til og spjallað. Það var meira að segja brotist inn í gærkveldi (þó húsið hafi verið opið í mörg ár).
Ákveðið var að læsa húsinu til þess að varðveita vísbendingar um byggingarlag, ekki vegna verðmæta. Ef einhvern langar að sjá inn í húsið þá eru félagar í minjafélaginu þar flest kvöld.
Fyrir þá sem vilja ganga í félagið þá er öllum tekið fagnandi. Einfaldast er að finna félagið á Facebook eða heimsækja Kirkjuhvol. Einnig má senda póst á menningarfulltrúa á netfangið daniel@vogar.is og verður því komið áfram til forsvarsmanna félagsins.
