Hefur þú fundið dauða villta fugla nýverið?

Matvælastofnun vekur athygli á að stofnunin óskar eftir tilkynningum ef villtir dauðir fuglar finnast á víðavangi, nema augljóst sé að þeir hafi drepist af slysförum. Tilgangurinn er að skima þá fyrir fuglaflensu og fylgjast þannig með mögulegri útbreiðslu hennar meðal farfugla hérlendis. Best er að tilkynna með því að skrá ábendingu á vef stofnunarinnar, en líka er hægt að hringja í síma 530-4800 á opnunartíma eða senda tölvupóst á netfangið mast@mast.is.

Sjá einnig frétt okkar um aukið viðbúnaðarstig. Íbúar sem hafa orðið varir við villta dauða fugla sem ekki er augljóst að hafi drepist af slysförum eru beðnir að koma ábendingu á framfæri.

https://www.mast.is/is/um-mast/frettir/frettir/aukid-vidbunadarstig-vegna-fuglaflensu