Laus störf flokkstjóra í vinnuskóla
05. mars 2026
Vinnuskólinn auglýsir eftir öflugum og jákvæðum flokkstjórum í Vinnuskólann fyrir sumarið 2026.
Vinnuskóli sveitarfélagsins starfar frá maí til ágúst ár hvert. Þar gefst ungmennum kostur á að vinna við fjölbreytt störf. Sem flokkstjóri ertu leiðbeinandi, fyrirmynd og drifkraftur hóps ungmenna. Þú kennir þeim undirstöðuatriði garðyrkjustarfa, skipuleggur verkefni, hvetur til góðrar samvinnu og heldur utan um mætingar og ástundun. Meginmarkmiðið er að skapa jákvæða upplifun þar sem þjálfun, fræðsla og góð líðan eru i forgrunni.
Flokkstjórar starfa undir verkstjórn verkstjóra vinnuskóla.
Helstu verkefni og ábyrgð
- Að stýra starfi ungmenna
- Kenna ungmennum rétt vinnubrögð og samskipti á vinnustað.
- Ábyrgð á tímaskráningu ungmenna
- Tryggja öryggi sitt og ungmenna við störf
- Vinna að fegrun bæjarins
- Vera leiðtogi og leiðbeinandi ungmenna
Menntunar- og hæfniskröfur
- Æskilegt er að umsækjendur hafi náð 18 ára aldri
- Áhugi á að starfa með ungu fólki og vilji til að takast á við fjölbreytt verkefni
- Vera til fyrirmyndar í hegðun og mætingu skilyrði
- Reynsla af garðyrkju- og umhirðutengdum störfum er kostur.
- Jákvæðni og útsjónarsemi í starfi
- Hafa bílpróf
Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.
Umsóknarfrestur er til og með 6. apríl 2026. Öll eru hvött til að sækja um.
Nánari upplýsingar veitir Davíð Viðarsson, david@vogar.is.
Umsóknir skulu berast í gegnum www.alfred.is
