Umhverfis- og skipulagsnefnd Sveitarfélagsins Voga

Umsókn Vegagerðarinnar um framkvæmdaleyfi til gerðar sjóvarnargarða skv. bréfi dags. 23.03.2016 og meðfylgjandi uppdráttum. Um er að ræða sjóvarnir á tveimur stöðum, við Breiðagerðisvík, um 200 m sjóvörn og norðan Marargötu, hækkun og styrking á um 180 m kafla.

1. Við Breiðagerðisvík á Vatnsleysuströnd, alls um 200 m.
Framkvæmdin samræmist aðalskipulagi.
Skipulagsstofnun hefur tekið ákvörðun um að framkvæmdin skuli ekki háð mati á umhverfisáhrifum, skv. ákvörðun um matskyldu dags. 26.06.2016.
Fornleifaskráning hefur farið fram á fyrirhuguðu framkvæmdarsvæði, sbr. skýrslu um deiliskráningu gerðri í apríl 2016 og hefur Minjastofnun Íslands verið gerð grein fyrir henni.
Niðurstaða Minjastofnunar Íslands um mótvægisaðgerðir vegna fornleifa liggur fyrir, skv. bréfi dags. 02.06.2016.
2. Norðan Marargötu, hækkun og styrking á um 180 m kafla.
Framkvæmdin samræmist aðal- og deiliskipulagi.
Framkvæmdin er ekki háð mati á umhverfisáhrifum, skv. 6. gr. og lið 10.22 í 1. viðauka í lögum um mat á umhverfisáhrifum.

Afgreiðsla umhverfis- og skipulagsnefndar:
Umsókn um framkvæmdaleyfi er samþykkt með þeim skilyrðum sem koma fram í umsögn Minjastofnunar Íslands.

Ísaga ehf. sækir um byggingarleyfi fyrir súrefnis- og köfnunarefnisverksmiðju skv. umsókn dags. 15.06.2016 og aðaluppdráttum Tækniþjónustu SÁ ehf. dags. 19.07.2016, ásamt skýringarmyndum vegna öryggisfjarlægða, hljóðvistar og ásýndar.
Fyrir liggja áætlun um stórslysavarnir og umsagnir Heilbrigðiseftirlits Suðurnesja, Brunavarna Suðurnesja og Vinnueftirlits.

Afgreiðsla umhverfis- og skipulagsnefndar:
Byggingaráformin eru samþykkt, með fyrirvara um lagfæringu starfsmannaaðstöðu í samræmi við athugasemd Vinnueftirlits.
Umsóknin samræmist aðal- og deiliskipulagi, mannvirkjalögum nr. 160/2010 og byggingarreglugerð nr. 112/2012.
Frekari afgreiðslu umsóknarinnar og útgáfu byggingarleyfis vísað til afgeiðslu byggingarfulltrúa í samræmi við ákvæði byggingareglugerðar nr. 112/2012.

Heiðarholt 3. Ístak hf. sækir um stöðuleyfi fyrir 10-12 20 feta gámum fyrir starfsmannaðstöðu o.fl. á lóðinni skv. umsókn mótt. 12.07.2016.

Afgreiðsla umhverfis- og skipulagsnefndar:
Stöðuleyfi er samþykkt í 12 mánuði, frá 01.08.2016 til 01.08.2017.
Skipulags- og byggingarfulltrúa falið að ganga frá leyfinu.

Rætt um ástand, umhirðu og frágang lóða og lausamuna víða í sveitarfélaginu og leiðir til úrbóta.

Afgreiðsla umhverfis- og skipulagsnefndar:
Fyrirhugað er að nefndin fari í vettvangsskoðun um sveitarfélagið á næsta fundi.
Nefndin samþykkir að áfram verði unnið í tilmælum um áskorun um úrbætur varðandi umhirðu og frágang lóða og lausamuna.

Erindi Sambands íslenskra sveitarfélaga, dags. 29.06.2016. Með erindinu fylgir auglýsing frá Orkusjóði, sem auglýsir styrki til uppbyggingar á innviðum fyrir rafbíla.

Afgreiðsla umhverfis- og skipulagsnefndar:
Tekið er jákvætt í erindið. Nefndin leggur til að erindinu verði vísað til fjárhagsáætlunargerðar 2017.

Kynning á vinnslutillögu að Aðalskipulagi Reykjanesbæjar 2015-2030, skv. bréfi frá Reykjanesbæ. dags. 16. júní 2016.

Afgreiðsla umhverfis- og skipulagsnefndar:
Erindið lagt fram. Ekki eru gerðar athugasemdir við vinnslutillöguna.

Bréf Skipulagsstofnunar dags. 16. júlí 2016 þar sem kynnt er landskipulagsstefna 2015-2026.

Afgreiðsla umhverfis- og skipulagsnefndar:
Bréfið lagt fram.