Umhverfis- og skipulagsnefnd Sveitarfélagsins Voga

Hvassahraun 130858, fastanr. 209-6137. Smárahótel ehf. sækir um byggingarleyfi fyrir skiltum á lóðinni fyrir Airport Smárahótel ehf. að Blikavöllum 2 Keflavíkurflugvelli skv. umsókn dags. 01.12.2015.

Afgreiðsla umhverfis- og skipulagsnefndar:
Um er að ræða þegar gerða framkvæmd sem gerð hefur verið án byggingarleyfis.
Umsókninni er hafnað. Umsóknin samræmist ekki aðalskipulagi, mannvirkjalögum nr. 160/2010 og byggingarreglugerð nr. 112/2012.

Varðandi uppbyggingu sem viðruð er í umsókninni er á það bent að þau áform samræmast ekki gildandi aðalskipulagi sveitarfélagsins. Af því leiðir að þau áform þarfnast annarar umfjöllunar.

Hvassahraun 12. Hilmar Friðsteinsson sækir um stöðuleyfi fyrir einum gám á lóðinni skv. umsókn dags. 10.12.2015.

Afgreiðsla umhverfis- og skipulagsnefndar:
Stöðuleyfi er samþykkt frá 10.12.2015 til 10.12.2016. Skipulags- og byggingarfulltrúa falið að ganga frá leyfinu.

Rædd viðbrögð vegna bréfa skipulags- og byggingarfulltrúa sem send voru út í nóvember sl. um áskorun um úrbætur vegna umhverfis- og byggingamála.

Afgreiðsla umhverfis- og skipulagsnefndar:
Nefndin samþykkir að ítreka áskorun um úrbætur áður en dagsektir verða lagðar á. Skipulags- og byggingarfulltrúa falið að senda bréf þess efnis til viðkomandi aðila sem ekki hafa brugðist við með fullnægjandi hætti eftir því sem við á.

Drög til kynningar að skipulags- og matslýsingu vegna endurskoðunar aðalskipulags Reykjanesbæjar 2015-2030, skv. bréfi frá Reykjanesbæ.dags. 16. desember 2015.

Afgreiðsla umhverfis- og skipulagsnefndar:
Ekki eru gerðar athugasemdir við drög skipulags- og matslýsingar.

Skipulags- og matslýsing fyrir breytingu á aðalskipulagi Grindavíkurbæjar 2010-2030, skv. tölvupósti sviðstjóra skipulags- og umhverfissviðs Grindavíkurbæjar dags. 8. janúar 2016.

Afgreiðsla umhverfis- og skipulagsnefndar:
Ekki eru gerðar athugasemdir við skipulags- og matslýsinguna.

Tillaga að aðalskipulagi Keflavíkurflugvallar 2013-2030 ásamt umhverfisskýrslu, skv. bréfi skipulagsfulltrúa Keflavíkurflugvallar dags. 11. janúar 2016.

Afgreiðsla umhverfis- og skipulagsnefndar:
Ekki eru gerðar athugasemdir við tillöguna.

Bréf til sveitarfélaga vegna vinnu um samræmda lóðaafmörkun, skv. bréfi Sambands íslenskra sveitarfélaga dags. 8. janúar 2016.

Afgreiðsla umhverfis- og skipulagsnefndar:
Nefndin áréttar að öll mannvirki falli hér undir og skuli bera fasteignagjöld þ.m.t. raflínumöstur og tengd mannvirki. Að öðru leyti eru ekki gerðar athugasemdir við nálgun aðila eins og hún er sett fram í bréfinu.