Umhverfis- og skipulagsnefnd Sveitarfélagsins Voga

Kynnt bréf um umhverfisdaga sem verða dagana 26.-31. maí nk.

Lagt fram yfirlit um umhirðu og frágang lóða og mannvirkja sem tekið var saman fyrir umhverfisdaga 2014 og hefur verið uppfært m.v. stöðu mála í dag.

Umhverfis- og skipulagsnefnd samþykkir samhljóða að fylgt verði eftir kröfum um úrbætur eftir því sem við á í samræmi við byggingarreglugerð nr. 112/2012. Til að byrja með verði áhersla lögð á gáma án stöðuleyfis og óleyfisframkvæmdir.
Nefndin mun vinna að viðmiðunareglum varðandi stöðuleyfi lausafjármuna sem stefnt er að liggi fyrir fljótlega.

Kerfisáætlun 2015-2024. Viðbrögð við athugasemdum við matslýsingu. Dags. 26. febrúar 2015.

Lagt fram til kynningar.

Lýsing deiliskipulagsáætlunar fyrir Nesbú á Vatnsleysuströnd, skv. 2. málsgr. 40. gr. skipulagslaga nr. 123/2010. Dags. 18. maí 2015.

Umhverfis- og skipulagsnefnd samþykkir lýsinguna. Jafnframt að leitað verði umsagna um lýsinguna og hún kynnt í samræmi við 3. mgr. skipulagslaga nr. 123/2010.