Skipulags- og byggingarnefnd Sveitarfélagsins Voga
Fundur haldinn í skipulags- og byggingarnefnd Sveitarfélagsins Voga, mánudaginn 31. mars
2008 kl. 18:00 að Iðndal 2.
.
Mættir eru: Gunnar Helgason, Oktavía Jóhanna Ragnarsdóttir, Kristinn Björgvinsson, Þórður
Guðmundsson, Sigurður Valtýsson byggingarfulltrúi og Inga Sigrún Atladóttir sem jafnframt ritar
fundargerð.
1 mál Umsókn um byggingarleyfi fyrir hesthús að Fákadal 5.
Samþykkt. Samræmist lögum nr. 73/1997, samþykki
eldvarnareftirlits liggur fyrir.
2 mál Umsókn um bygginarleyfi fyrir iðnaðarhús að Heiðarholti 4.
Samþykkt. Samræmist lögum nr. 73/1997, samþykki
eldvarnareftirlits liggur fyrir.
3.mál Umsókn um byggingarleyfi fyrir atvinnuhús að Jónsvör 1. Endurnýjun
áður samþykktra teikninga.
Samþykkt. Samræmist lögum nr. 73/1997, samþykki
eldvarnareftirlits liggur fyrir.
4.mál Umsókn um byggingarleyfi fyrir atvinnuhús að Iðndal 4. Endurnýjun áður
samþykktra teikninga.
Samþykkt. Samræmist lögum nr. 73/1997, samþykki
eldvarnareftirlits liggur fyrir.
5.mál Umsókn um stöðuleyfi fyrir vinnuskúr að Breiðagerði 3.
Gunnar Helgason yfirgefur fundinn.
Inga Sigrún Atladóttir víkur af fundi að kröfu Gunnars.
2. maí 2006 var Gunnari veitt stöðuleyfi fyrir vinnuskúr að Breiðagerði 3
á fundi byggingarnefndar á meðan framkvæmdir standa yfir eða til eins
árs.
29. oktober 2007 sækir Gunnar um endunýjun á stöðuleyfi fyrir skúrnum,
afgreiðslu málsins var frestað þar til samþykki landeigenda liggur fyrir.
26. nóvember 2007 sækir Gunnar um endurnýjun á stöðuleyfi fyrir
vinnuskúr að Breiðagerði lóðarinnar Breiðagerði 3 sem hafði verið vísað
frá þinglýsingu 18.maí 2005, vegan óljóss eignarhalds. Þ.a.l. hafði Jakob
Árnason ekki ráðstöfunarrétt yfir lóðinni. Með frestun málsins á þessu
stigi en ekki höfnun var Gunnari gefinn kostur á að vinna í málinu.
28. janúar 2008 er greinargerð byggingarfulltrúa vegna Breiðagerðis 3
lögð fyrir fundinn. Áður frestaðri umsókn um stöðuleyfi tekið fyrir.
Erindinu hafnað þar sem ekki liggur fyrir umráðaréttur umsækjenda yfir
lóðinni. Eins og byggingarreglugerð mælir fyrir um ber að sækja um leyfi
fyrir öllum þeim framkvæmdum sem setja varanlega ásýnd á landið. Það
sem framkvæmt hefur verið á lóðinni án leyfis byggingaryfirvalda beri að
fjarlægja og hreinsa lóðina án tafar.
Samkvæmt skipulags og byggingarlögum nr.73/1997 skal s.k. 43 grein
“sá sem óskar leyfis skal senda um það skriflega umsókn til hlutaðeigandi
byggingarnefndar ásamt nauðsynlegum hönnunargögnum og skilríkjum”
Samkvæmt byggingarreglugerð kafla 3, grein 71.1 og kafli 1, 12 grein,
um stöðuleyfi og byggingarleyfi. Sjá ennfremur ákvæði 11, 12,67 og 72
gr. í byggingarreglugerð nr. 441/1998 varðandi leyfisskyldar
framkvæmdir. Ennfremur sjá 9. kafla skipulagsreglugerðar nr. 400/1998.
S.k. 56. grein skipulags og byggingarlaga önnur málsgrein, stendur
byggingarnefnd við fyrri samþykkt og vísar nefndin til fyrri bókunar frá
28. janúar s.l. umsókninni er hafnað og beri umsækjanda að hreinsa
lóðina.
Nefndin telur sig hafa unnið samkvæmt lögum og reglugerðum, og
stöðuleyfi veitt í fyrstu af fyrri byggingarnefnd í góðri trú um að
umsækjandi hefði afnotarétt yfir lóðinni, sem síðar kom í ljós að svo var
ekki. Enda ætti umsækjanda að vera ljósar þessar reglur vegna stöðu
sinnar, sem formaður nefndarinnar.
6.mál Athugun á hagkvæmni lestarsamgangna. Vísað til umsagnar nefndnarinn
af bæjarráði.
Skipulags og byggingarnefnd tekur undir þingsályktunartillöguna
og telur lestarkerfi auka öryggi samgangna á Suðurnesjum.
7.mál Frumvarp til laga um mannvirki. Vísað til nefndarinnar af bæjarráði.
Skipulags og byggingarnefnd mótmælir skertum sjálfstjórnarrétti
sveitarfélagsins í byggingarmálum og telur mikilvægt að slík mál
séu í höndum viðkomandi sveitastjórna.
8.mál Frumvarp til skipulagslaga.
Skipulags og byggingarnefnd mótmælir skertum sjálfstjórnarrétti
sveitarfélagsins í skipulagsmálum og telur mikilvægt að slík mál
séu í höndum viðkomandi sveitastjórna.
9.mál Frumvarp til laga um breytinga á lögum um brunavarnir nr.75/2000 með
síðari breytingum.
Frumvarpið kynnt nefndinni, engar athugasendir komu fram við
fraumvarpið.
Fundi slitið 20:50
