Frístunda- og menningarnefnd Sveitarfélagsins Voga

Rætt um gerð menningarstefnu fyrir sveitarfélagið. Skoðuð stefnumörkun frá nokkrum stöðum í menningarmálum og rætt um að hafa slíka stefnumörkun til hliðsjónar. Hugmyndavinna er farin af stað.

Safnahelgi verður haldin 14. - 15. mars. Dagskrá í Vogum verður á bókasafni í umsjón norræna félagsins í Vogum og í Álfagerði í umsjón sögu- og minjafélags Vatnsleysustrandar. Búið er að kynna dagskrána á öllum Suðurnesjum og víða í fjölmiðlum.

Fjölskyldudagar í Vogum verða haldnir helgina 14. - 16. ágúst. Undirbúningur er hafinn. FMN ræddi mögulegar leiðir í þróun hátíðarinnar. Fólk er sammála um að halda aðaláherslu á fjölskyldu og menningu.

Rætt um tjaldstæði. FMN telur mikilvægt að haldið verði áfram með uppbyggingu tjaldstæðis. Ýmsar mögulegar leiðir ræddar í því sambandi. Nefndin telur afar brýnt að tjaldsvæði verði girt af og hugað verði að skjóli fyrir vindi.

Áætlað er að sumarstarf verði með svipuðu sniði og áður. Búið er að auglýsa sumarstörf laus til umsóknar og eru umsóknir byrjaðar að berast. Umsóknarfrestur um sumarstörf er til og með 22. mars.

Lokið hefur verið við gerð forvarnastefnu sveitarfélagsins fyrir nokkru síðan og er hún aðgengileg öllum á heimasíðu sveitarfélagsins, www.vogar.is. FMN fagnar því að forvarnastefna liggi fyrir og hvetur íbúa og félagasamtök til að kynna sér hana.

Rætt um að FMN leiki boccia við eldri borgara 30. apríl. Sama dag er áætlað í framhaldinu að bjóða eldri borgurum upp á kjötsúpu og spjall í Álfagerði. Félagsstarfið gengur vel og margt á döfinni.