Frístunda- og menningarnefnd Sveitarfélagsins Voga

FMN ákvað á síðasta fundi sínum að standa fyrir afhendingu menningarviðurkenninga við hátíðlega athöfn í Tjarnarsal á sumardaginn fyrsta, 19. apríl n.k. milli kl. 15:00 og 18:00.
Búið er að óska eftir tilnefningum frá íbúum og undirbúningur farinn af stað. Íbúar eru hvattir til að koma með listmuni og handverk til að sýna við þetta tilefni.

Afgreiðsla FMN.
Ákveðið hverjir hljóta menningarviðurkenningar.

FMN hefur borist erindi frá Þrótti. Þar er beðið um niðurfellingu á leigu á íþróttasal vegna Vogaþreks.

Afgreiðsla FMN.
Nefndin lýsir yfir ánægju með að komið sé af stað almenningsíþróttaverkefni í Vogum með reyndum þjálfara og góðri þátttöku.
FMN telur að sveitarfélagið eigi að styðja verkefnið.

Drög að áfangastaðaáætlun Reykjaness hafa verið send bæjaryfirvöldum og sendi bæjarráð Voga drögin til FMN.

Afgreiðsla FMN.
Lagt fram.

Búið er auglýsa sumastörf í Vogum og er útlit fyrir að vel muni takst að manna þau. Nemendum vinnuskóla hefur fækkað síðustu sumur og vilja menn fyrst og fremst tengja það við gott atvinnuástand. Útlit er fyrir að sumarstarfið verði með svipuðu sniði og verður gefinn út bæklingur nú sem endranær.

Afgreiðsla FMN.
Málið rætt.

Safnahelgi á Suðurnesjum fór fram helgina 10. - 11. mars. Dagskrá var í sveitarfélaginu Vogum og ber þar helst að nefna metnaðarfulla dagskrá á Kálfatjörn sunnudaginn 11. mars. Þar stóðu Frístunda- og menningarnefnd, Kálfatjarnarkirkja og Minja- og sögufélag Vatnsleysustrandar fyrir málþingi um Stefán Thorarensen, auk þess sem skólasafnið í Norðurkoti var opið.

Afgreiðsla FMN.
FMN lýsir ánægju með hvernig til tókst með Safnahelgi og þakkar þeim sem komu að skipulagi og framkvæmd.