Frístunda- og menningarnefnd Sveitarfélagsins Voga

Formaður ræddi um starfsáætlun sem gerð hafa verið drög að. Starfsáætlun setur starf FMN í ákveðinn ramma og er ætlað að gera starf nefndarinnar markvisst.

Rætt um áframhald vinnu við gerð menningarstefnu sveitarfélagsins. Nefndin gerði nokkrar breytingar á stefnunni og verður hún nú send til stofnana og félagasamtaka þar sem óskað verður eftir skriflegum umsögnum.

Safnahelgi á Suðurnesjum verður haldin helgina 12. - 13. mars. Dagskrá er í undirbúningi og er farin að taka á sig mynd. Stefnt að því að halda dagskrá í samstarfi við félög og stofnanir í sveitarfélaginu og verður hún auglýst fljótlega, bæði á vefnum og í fjölmiðlum.

Málið rætt og fært í lið 6.

Frístunda- og menningarfulltrúi kynnti samstarf í forvarnamálum milli Voga, Garðs og Sandgerðis. Fyrirhugað er að halda fund um forvarnamál mánudaginn 7. mars og boða bæjarfulltrúa og nefndarfólk sem hafa með málefni barna og ungmenna.

Formaður fór yfir stöðu mála varðandi samstarfssamninga við félagasamtök í Vogum. Ákveðið að senda málið áfram til bæjaryfirvalda og stefna að því að gera samstarfssamning við öll félög sem þess óska. Nefndin ákvað einnig að boða til fundar með félagasamtökum fimmtudaginn 7. apríl þar sem umræðuefnið verður aðgerðir til að efla félagsstarf í sveitarfélaginu.

Frístunda- og menningarfulltrúi fór yfir starfsemi félagsmiðstöðvar. Mikið hefur verið um að vera og má þar nefna, hæfileika, söngkeppni, grunnskólahátíð og Öskudagsskemmtun.

Frístunda- og menningarfulltrúi fór yfir starfsemi í Álfagerði sem verið hefur blómleg. Sem dæmi um viðburði má nefna þorrablót og bingó auk fastra liða í dagskrá.

Uppkast að reglum um heiðursborgara lagt fram til kynningar. Nefndin fagnar því að slíkar reglur séu komnar fram.

Fundargerðirnar lagðar fram og ræddar.