Frístunda- og menningarnefnd Sveitarfélagsins Voga

Nefndin fór yfir og fjallaði um tilnefningar til íþróttamanns ársins 2020. Niðurstaða nefndarinnar er skráð í trúnaðarmálabók, og verður kunngjörð þegar verðlaunin verða afhent um miðjan janúar 2021.

Nefndin telur að miðað við núverandi fjöldatakmarkanir, sem sér ekki fyrir endann á, sé ekki raunhæft að halda áramótabrennu. Nefndin leggur til að haldin verði hátíð á þrettándanum í staðinn og þá yrðu hátíðahöld fyrir börnin samkvæmt þeim samkomutakmörkunum sem þá kunna að verða og einnig verði haldin vegleg flugeldasýning en hana er hægt að halda óháð fjöldatakmörkunum. Nefndin minnir á að áður hefur verið rætt um vilja nefndarinnar til að endurvekja þrettándaskemmtun og vill nefndin ítreka að svo verði þó það verði hugsanlega ekki hægt í þetta sinn.