Fræðslunefnd Sveitarfélagsins Voga

Mættir voru: Bergur Álfþórsson, Ólafur Tryggvi Gíslason, Salvör Jóhannesdóttir, María

Hermannsdóttir, Snæbjörn Reynisson og Áshildur Linnet sem jafnframt ritaði fundargerð.

Helga Friðfinnsdóttir boðaði forföll

Fundur settur kl. 19:10

1. Um kynningarmál á vegum grunnskólans

Snæbjörn greindi frá því að fyrirhugað væri að fréttabréf frá skólanum kæmi út í júní þegar

búið væri að ganga frá ráðningum starfsmanna. Hann fór jafnframt yfir hluta að væntanlegum

breytingum á skólastarfi en kynningarfundur verður haldinn til að kynna bæði breytingarnar

og skólastarfið almennt.

2. Skólalok og skólabyrjun grunnskóla

Snæbjörn greindi frá að skólaslit voru þann 2. júní og var það í síðasta skipti sem skólaslitin

eru haldin á núverandi sal skólans. Skólaslitin voru hefðbundin og m.a. voru veitt verðlaun

fyrir góðan námsárangur. Næstkomandi haust mun skólastarfið hefjast með

einstaklingsviðtölum. Skólasetning er ráðgerð 22. ágúst samkvæmt skóladagatali. Einnig á að

halda opinn kynningarfund sem ekki hefur enn þá verið dagsettur.

3. Staðan í starfi Suðurvalla

Salvör og María fóru yfir það helsta í starfi leikskólans. Greindu þær vel frá ferð starfsmanna

til Danmerkur þar sem margar góðar hugmyndir kviknuðu, starfsmenn fengu gott tækifæri til

að kynnast leikskólastarfi í öðru umhverfi og samstaða og samkennd óx meðal starfsmanna.

Voru Salvör og María sammála um að ferðin hefði í alla staði verið einstaklega vel heppnuð

og nauðsynleg tilbreyting fyrir starfsmenn.

Salvör greindi frá árlegri sveitarferð leikskólabarna, hvernig tekist hefði til og frá upplifun

barnanna í ferðinni.

Salvör fór yfir mál heilsuleikskólans og greindi frá þvi að skólinn vonaðist eftir útnefningu

sem „heilsueflingarleikskóli“ frá Lýðheilsustöð á Jónsmessunni. Hvatti Salvör til almennrar

þátttöku í stefnu heilsueflingarleikskólans

4. Önnur mál

Ekki komu fram nein mál undir þessum lið

Fleira ekki rætt og fundi slitið kl. 20:20