Fræðslunefnd Sveitarfélagsins Voga

Fræðslunefnd samþykkir framlagða ósk Stóru-Vogaskóla um breytingar á skóladagatali skólaársins 2026-2027. Breyting felst í að skipulagsdagur verði færður frá 23. nóvember til 24. nóvember.

Skólastjóri kynnti starfsáætlun Stóru-Vogaskóla fyrir skólaárið 2026-2027 og fór yfir helstu áherslur skólastarfsins.

Fræðslunefnd staðfestir starfsáætlunina og þakkar fyrir greinargóða kynningu.

Fræðslunefnd samþykkir að skipaður verði starfshópur um útfærslu og undirbúning innleiðingar Vogamódelsins við Heilsuleikskólann Suðurvelli.

Í starfshópnum sitji sviðsstjóri fjölskyldusviðs eða staðgengill, leikskólastjóri, sviðsstjóri fjármála- og stjórnsýslusviðs, fulltrúi foreldra tilnefndur af foreldraráði og fulltrúar fræðslunefndar. Sviðsstjóri fjölskyldusviðs eða staðgengill leiði vinnu hópsins.

Fræðslunefnd tilnefnir Karel Ólafsson og Önnu Kareni Gísladóttur sem fulltrúa sína í starfshópnum.

Starfshópnum er falið að útfæra tillögu að fyrirkomulagi Vogamódelsins og leggja mat á faglegar og fjárhagslegar forsendur þess. Hópurinn skili tillögu og kostnaðarmati til umfjöllunar í fræðslunefnd fyrir 20. október 2026

Fræðslunefnd samþykkir framlagða ósk Heilsuleikskólans Suðurvalla um breytingar á leikskóladagatali fyrir starfsárið 2026-2027. Breytingin felur í sér að skipulagsdagur verði færður frá 23. nóvember til 24. nóvember.