Fræðslunefnd Sveitarfélagsins Voga

Fræðslunefnd þakkar fyrir góða yfirferð á stöðu verkefnisins og fagnar þeirri vinnu sem unnin hefur verið við undirbúning stækkunar Heilsuleikskólans Suðurvalla. Nefndin leggur áherslu á mikilvægi þess að verkefnið gangi samkvæmt áætlun og að áfram verði unnið markvisst að framgangi þess.

Fræðslunefnd þakkar bæjarstjóra fyrir yfirferðina, fagnar þeim aðgerðum sem lagðar eru til stuðnings barnafjölskyldum vegna tímabundinnar stöðu í leikskólamálum og telur mikilvægt að leita fjölbreyttra leiða til að mæta þörfum fjölskyldna þar til stækkun Heilsuleikskólans Suðurvalla hefur verið tekin í notkun.

Nefndin samþykkir tillögur að breytingu á reglum skv. framlögðu minnisblaði um leikskólanámsvist utan lögheimilis sveitarfélags og vísar henni til bæjarstjórnar til staðfestingar. Nefndin brýnir að unnið verði eftir skýrum verkferlum við mat á leiskólanámsvist utan lögheimilissveitarfélags.

Fræðslunefnd þakkar foreldraráði Heilsuleikskólans Suðurvalla fyrir umsögnina og tekur undir ánægju ráðsins með metnaðarfullt starf leikskólans og þær áherslur sem fram koma í starfsáætlun skólaársins 2026-2027.

Fræðslunefnd þakkar fyrir góða yfirferð á innra mati Heilsuleikskólans Suðurvalla og fagnar þeim jákvæðu niðurstöðum sem þar koma fram. Nefndin tekur sérstaklega undir mikilvægi þess að niðurstöður matsins séu nýttar til áframhaldandi þróunar og umbóta í starfi leikskólans.

Fræðslunefnd telur starfsáætlun Heilsuleikskólans Suðurvalla fyrir skólaárið 2026?2027 gefa góða mynd af því fjölbreytta starfi sem fram fer í leikskólanum. Áætlunin sýnir skýrar áherslur fyrir skólaárið og hvernig unnið er markvisst að því að skapa börnum gott og faglegt náms- og starfsumhverfi.

Fræðslunefnd fagnar framlagðri málstefnu Heilsuleikskólans Suðurvalla. Nefndin telur mikilvægt að skapa börnum sterkt og jákvætt íslenskt málumhverfi frá unga aldri og styður þær skýru áherslur sem fram koma í stefnunni um málörvun, samskipti og íslensku í daglegu starfi. Jafnframt er mikilvægt að áfram sé hlúð að fjölbreyttum tungumálabakgrunni barnanna og góðu samstarfi við foreldra.

Fræðslunefnd þakkar fyrir yfirferð á stöðu sérúrræða og námsvers í Stóru-Vogaskóla. Nefndin leggur áherslu á mikilvægi þess að fjölbreytt úrræði séu til staðar innan skólans til að mæta ólíkum þörfum nemenda og styðja við nám, líðan og farsæld þeirra.

Fræðslunefnd þakkar aðstoðarskólastjóra fyrir yfirferðina. Nefndin leggur áherslu á mikilvægi þess að nemendur með íslensku sem annað tungumál fái þann stuðning og þau tækifæri sem þau þurfa til að ná góðum tökum á íslensku og taka virkan þátt í skólastarfinu.

Nefndin lýsir áhyggjur sínum á stöðu ÍSAT í Stóru-Vogaskóla og kallar eftir skriflegri ósk um úrbætur frá skólanum.

Formaður nefndarinnar fór yfir stöðu flutnings frístundar yfir í Stóru-Vogaskóla.

Nefndin fagnar því að frístundastarfið hafi verið fært inn í skólann, þar sem aðstaðan skapar aukna möguleika á fjölbreyttu og metnaðarfullu frístundastarfi. Jafnframt er lögð áhersla á þetta sé tímabundin staða og að öryggi, vellíðan og þarfir barnanna séu ávallt í fyrirrúmi.

Nefndin telur mikilvægt að fylgst verði vel með reynslunni af nýju fyrirkomulagi og að það verði áfram þróað með hagsmuni barnanna og starfsemi skólans að leiðarljósi.