Fræðslunefnd Sveitarfélagsins Voga

Skólastarf gekk mjög vel á Covid tímanum en gera þurfti ákveðnar breytingar á skóladagatali. Leita þurfti nýrra leiða í kennslunni, til að mynda fór hluti kennslu eldri nemenda fram í fjarkennslu.Útlit er fyrir að hægt verði að halda skólaslit með hefðbundnu sniði í byrjun júní.

Búið er að ráða tvo réttindakennara fyrir næsta haust og reiknað er með að ekki þurfi að segja upp starfsmönnum næsta vetur. Sex einstaklingar eru í réttindanámi sem stendur og vonir standa til að a.m.k. þrír þeirra klári námið næsta vetur og verður þá hlutfall réttindakennara komið í um 80%. Einn kennari snýr til baka úr ársleyfi.

Stjórnendur bókasafns og skóla leggja áherslu á að safnið sé opið yfir sumartímann. Opnunartíminn verður ákveðinn fljótlega og kynntur á heimasíðu skólans, facebook síðu safnsins og heimasíðu sveitarfélagsins.

Fyrir rúmu ári síðan var skipuð nefnd um stækkun Stóru-Vogaskóla. Húsnæði skólans er nú þegar of lítið og þörfin fyrir stærra húsnæði er mikil. Skólastjóri leggur áherslu á að halda þessu máli lifandi og að hægt sé að vinna ýmsa undirbúningsvinnu þrátt fyrir ástandið sem er uppi í dag.

Skóladagatalið er að langmestu leyti hefðbundið. Skipulagsdagar eru sex en hafa verið fimm. Fræðslunefnd samþykkir dagatalið fyrir sitt leyti.

Í fáliðunaráætlun leikskólans er m.a. fjallað um aðgerðir til að mæta fáliðun og þar er einnig neyðarstaða vegna fáliðunar.

Nefndin tók verklagsreglurnar til umfjöllunar og samþykkti þær með breytingum sem gerðar voru á fundinum og þær vistaðar í skjal sem sett var inn í málið. Menningarfulltrúa falið að samræma útlit skjalsins eftir óskum leikskólastjóra en ekki verða gerðar orðalagsbreytingar.