Bæjarstjórn Sveitarfélagsins Voga

249. fundur 01. september 2026 kl. 17:30 - 18:32 á bæjarskrifstofu

Nefndarmenn

Birgir Örn Ólafsson varaforseti
Kristinn Björgvinsson forseti bæjarstjórnar
Björg Ásta Þórðardóttir Bæjarstjóri
Guðmann Rúnar Lúðvíksson varaforseti
Gunnar Júlíus Helgason aðalmaður
Hulda Blöndal aðalmaður
Áslaug Fjóla Magnúsdóttir aðalmaður

Starfsmenn

Ásta Friðriksdóttir Sviðsstjóri fjármála- og stjórnsýslusviðs

Fundargerð ritaði: Ásta Friðriksdóttir sviðsstjóri fjármála- og stjórnsýslusviðs

Dagskrá

Áður en gengið var til dagskrár leitaði forseti afbrigða og lagði til við bæjarstjórn að við útsenda dagskrá bættust við tveir dagskrárliðir - Aðgerðir vegna stöðu í leikskólamálum sem verður 1. mál á dagskrá auk fundargerðar 123. fundar fræðslunefndar sem verður 11. mál á dagskrá fundarins.

Samþykkt samhljóða með 7 atkvæðum.

1.Aðgerðir vegna stöðu í leikskólamálum

2607015

Á 455. fundi bæjarráðs var fimmta lið tillagna bæjarstjóra um aðgerðir vegna stöðu í leikskólamálum vísað til fræðslunefndar til umfjöllunar. Var samkvæmt umræddri tillögu lagt til að 4. gr. reglna um námsvist utan lögheimilissveitarfélags yrði breytt með því að bæta við nýjum 5. tölulið í samræmi við tillögu minnisblaðsins. Minnisblað bæjarstjóra var í heild sinni lagt fyrir 123. fund fræðslunefndar til umfjöllunar. Samþykkti fræðslunefnd tillögur að breytingu á reglum um námsvist utan lögheimilis sveitarfélags, samkvæmt framlögðu minnisblaði, og vísaði þeim til bæjarstjórnar til staðfestingar.

Forseti gefur orðið laust.

Til máls tóku: BÁÞ, GJH

Afgreiðsla bæjarstjórnar:
Bæjarstjórn staðfestir breytingu á 4. gr. reglna um leikskólanámsvist utan lögheimilissveitarfélags samkvæmt fyrirliggjandi tillögu.

Samþykkt samhljóða með 7 atkvæðum.

2.Bæjarráð Sveitarfélagsins Voga - 455

2608004F

Forseti gefur orðið laust.

Til máls tóku: GJH, BÖÓ, BÁÞ

Afgreiðsla bæjarráðs:
Sá hluti 2. máls fundargerðarinnar sem varðar breytingu á reglum um leikskólanámsvist utan lögheimilissveitarfélags telst afgreiddur undir 1. máli fundarins. Að öðru leyti er fundargerðin lögð fram.

Bókun bæjarstjórnar:
Bæjarstjórn er sammála um mikilvægi þess að halda áfram að þróa og bæta starfsemi sveitarfélagsins, sem er einn stærsti vinnustaður sveitarfélagsins og jafnframt mikilvægur þjónustuveitandi við íbúa og fyrirtæki. Í þeirri vinnu þarf að byggja á því sem vel er gert, greina það sem betur má fara og fylgja þeirri vinnu eftir með markvissum umbótum.
Bæjarstjórn leggur áherslu á mikilvægi þess að sem víðtækust sátt ríki um mannauðs- og þjónustuverkefni sveitarfélagsins. Slík verkefni kalla á sameiginlega ábyrgð, skýra stefnu og samfellu í framkvæmd. Með verkefninu Sveitarfélagið Vogar - góður vinnustaður, góð þjónusta verður unnið að stöðumati á þeim þáttum sem tilgreindir eru í fyrirliggjandi tillögu, samhliða skilgreindum umbótaverkefnum og eftirfylgni. Markmiðið er að styrkja mannauðsmál, stjórnun og verkferla og auka gæði þjónustunnar.

Bókun bæjarstjórnar:
Bæjarstjórn Sveitarfélagsins Voga tekur eindregið undir bókun Sambands sveitarfélaga á Suðurnesjum og leggst gegn því að embætti lögreglustjórans á Suðurnesjum verði sameinað öðru lögregluembætti. Sérstaða Suðurnesja hvað varðar landamæragæslu, almannavarnir, náttúruvá og þjóðaröryggi kallar á öflugt og sjálfstætt lögregluembætti með stjórn og ákvörðunarvald á svæðinu. Reynslan síðustu ára hefur sýnt ótvírætt mikilvægi staðbundinnar þekkingar, öflugrar viðbragðsgetu og náins samstarfs lögreglu, sveitarfélaga og annarra viðbragðsaðila.

Bókun A-lista:
A-listinn lýsir yfir áhyggjum af stefnuleysi og hægagangi hvað varðar líkamsræktarstöðina. Nú þegar 9 mánuðir eru liðnir frá uppsögn samnings hefur lítið sem ekkert verið lagt fram um framtíðaráætlanir stöðvarinnar og óttast A-listinn að það komi til þjónusturofs á komandi vetri.

3.Bæjarráð Sveitarfélagsins Voga - 454

2607004F

Forseti gefur orðið laust.

Til máls tóku: ÁFM, BÖÓ,

Afgreiðsla bæjarstjórnar:
Fundargerðin lögð fram.

Bókun bæjarstjórnar:
Bæjarstjórn tekur undir bókun bæjarráðs í 7. máli og vill þakka starfmönnum, félagasamtökum og öllum þeim sem komu að 30 ára afmæli fjölskyldudaga, sem var einstaklega glæsileg.