Bæjarstjórn Sveitarfélagsins Voga

Lögð fram tillaga að breytingu á skipan í fjölskyldu- og velferðarráði Suðurnesjabæjar og Sveitarfélagsins Voga. Tinna Huld Karlsdóttir segir sig frá nefndinni af persónulegum ástæðum. Lagt til að fyrir E-lista verði Elísa Fönn Grétarsdóttir tilnefnd í hennar stað sem aðalmaður og Inga Rut Hlöðversdóttir sem varamaður.



Jafnframt er lagt til að Snædís Ósk Guðjónsdóttir verði áheyrnarfulltrúi L-lista í fræðslunefnd í stað Ingu Helgu Fredriksen sem víkur sem áheyrnarfulltrúi í nefndinni. Eðvarð Atli Bjarnason verður áfram vara áheyrnarfulltrúi L-lista í fræðslunefnd.

Tekið fyrir 2. mál á dagskrá 428. fundar bæjarráðs þann 4.júní 2025: Innleiðing breytinga á stjórnskipulagi, ráðning sviðsstjóra.



Lögð fram tillaga um stofnun fjölskyldsviðs hjá sveitarfélaginu og ráðningar sviðsstjóra, kynningar á breytingum því samhliða og tilboð ráðningarstofa.

Afgreiðsla bæjarráðs:



Bæjarráð samþykkir samhljóða að stofnað verði fjölskyldusvið hjá sveitarfélaginu og ráðinn verði sviðsstjóri til að leiða starfsemina. Bæjarstjóra falið að ganga til samninga við Hagvang um ráðgjöf við ráðningu í starf sviðsstjóra fjölskyldusviðs og sviðsstjóra umhverfis- og skipulagssviðs í samræmi við kynntar skipulagsbreytingar.