Bæjarráð Sveitarfélagsins Voga

1.

1308028 - Árshlutareikningur 01.jan.-30.jún.2013

Árshlutareikningurinn lagður fram til kynningar. Reikningurinn hefur verið samþykktur af stjórn SSS.

2.

1308012 - Beiðni um styrk

Lagður fram tölvupóstur Hagsmunasamtaka heimilanna, dags. 19.08.2013, með beiðni um styrk til starfseminnar.
Bæjarráð getur ekki orðið við erindinu.

3.

1302037 - Uppbygging hjúkrunarheimila á Suðurnesjum

Lagt fram bréf Sveitarfélagsins Garðs og Sandgerðisbæjar, dags. 27. ágúst 2013, um heilbrigðis- og öldrunarmál á Suðurnesjum. Einnig lögð fram skýrsla Harldar L. Haraldssonar hagfræðings: Garðvangur hjúkrunarheimili, greining og tillögur, dagsett í ágúst 2013. Undir þessu máli er einnig lagt fram minnisblað Forum lögmanna um valdheimildir stjórnar Dvalarheimilis aldraðra á Suðurnesjum o.fl., dags. 6. ágúst 2013. Þá er einnig lögð fram sameiginleg yfirlýsing um byggingu hjúkrunarheimilis í Reykjanesbæ og leiðir til að bæta þjónustu við aldraða á starfssvæði Dvalarheimilis aldraðra á Suðurnesjum, dagsett 9. júlí 2004.

Bæjarráð þakkar Sveitarfélaginu Garði og Sandgerðisbæ fyrir skýrslu Haraldar um heilbrigðis- og öldrunarmál á Suðurnesjum. Bæjarráð tekur heils hugar undir bókun stjórnar SSS um málið sem fram kemur í fundargerð 663. fundar stjórnar, sem haldinn var 16.09.2013. Bókun stjórnar SSS er svohljóðandi: "SSS þakkar Sveitarfélaginu Garði og Sandgerðisbæ fyrir vel unna og athyglisverða skýrslu um heilbrigðis- og öldrunarmál á Suðurnesjum sem unnin var af Haraldi L. Haraldssyni. Niðurstöður skýrslunnar eru sláandi og draga enn og aftur fram hvað framlög ríkisins til opinberrar þjónustu á Suðurnesjum eru mikið lægri en tíðkast í öðrum landshlutum. Kemur þar meðal annar fram að framlög framkgvæmdasjóðs aldraðra á árunum 2001 - 2010 voru langlægst til Suðurnesja. Einnig kemur fram að ef fjöldi hjúkrunarrýma á hverja 1.000 íbúa í hverju heilbrigðisumdæmi eru skoðuð hallar verulega á Suðurnesin.
Ljóst er að þrátt fyrir að öll hjúkrunarrými sem nú eru á svæðinu verði haldið opnum áfram eftir að Nesvellir opna þá uppfylla þau rými engan vegin áætlaða þörf hjúkrunarrýma á Suðurnesjum. Samt er gert ráð fyrir því að fjölda rýma muni loka á svæðinu og færast til Nesvalla. Raunveruleg fjölgun rýma við Nesvelli er því óveruleg. Slíkt er óásættanlegt enda ljóst að þörf er á öllum hjúkrunarrýmum sem nú eru opin og öllum þeim sem bætast við á Nesvöllum og meira til. Framkvæmdastjóra er falið að óska eftir fundi með félags- og tryggingamálaráðherra um málefnið og þá alvarlegu stöðu sem málefni aldraðra eru komin í á Suðurnesjum líkt og fram kemur í skýrslunni."

4.

1308026 - Tillaga að breytingum á Sorphirðugjaldi

Lögð fram til kynningar tillaga bæjarfulltrúa Sjálfstæðisflokks í Reykjanesbæ varðandi sorphirðugjald.
Með vísan til svokallaðrar mengunarbótareglu (enska:Polluter pays principle) telur bæjarráð Voga ekki óeðlilegt að þeir sem losa gjaldskylt sorp greiði fyrir þá þjónustu á gámaplönum Sorpeyðingarstöðvar Suðurnesja. Ef rekstur sorpeyðingarstöðvarinnar hefur svigrúm til lækkunar gjalda telur bæjarráð eðlilegt að sorpeyðingargjöld séu lækkuð almennt á íbúa á Suðurnesjum.

5.

1309005 - Hlutabréf Bláa Lónsins.

Lagt fram bréf Bláa lónsins hf. dags. 2. september 2013, kauptilboð í eignarhlut sveitarfélagsins í Hótel Bláa lónsins hf. að nafnverði kr. 982,- Kauptilboðið er sömu fjárhæðar, þ.e. kr. 982,-
Einnig lagt fram bréf Bláa lónsins hf. dags. 2. september 2013, kauptilboð í eignarhlut sveitarfélagsins í BLUE LAGOON Ingernational ehf. að nafnverði kr. 5.371,- Kauptilboðið er sömu fjárhæðar, þ.e. kr. 5.371,-
Bæjarráð hafnar framkomnu tilboði.

6.

1309006 - Niðurfelling Skipholtsvegar af vegaskrá.

Lagt fram afrit af bréfi Vegagerðarinnar til eiganda Skipholts, dags. 30. ágúst 2013, um niðurfellingu Skipholtsvegar af vegaskrá.

7.

1309020 - Byggðakvóti fiskveiðiársins 2013/2014

Lagt fram bréf Atvinnu- og nýsköpunarráðuneytisins dags. 11. september 2013, auglýsing umsóknar um byggðakvóta fiskveiðiársins 2013/2014. Bæjarráð felur bæjarstjóra að taka saman greinargerð og sækja um úthlutun byggðakvóta fyrir fiskveiðiárið 2013/2014.

8.

0707013 - Uppbygging raforkuflutningskerfis á Reykjanesi

Lögð fram til kynningar fréttatilkynning Landsnets hf. dags. 9. september 2013 ásamt skýrslu um þjóðhagslegt gildi uppbyggingar flutningskerfis Landsnets, dags. júní 2013.

9.

1304072 - Samstarfssamningur 2013 Meistaraflokkur Þróttar

Lögð fram drög að samstarfssamningi Sveitarfélagsins Voga og Knattspyrnufélags Voga (áður Meistaraflokkur Þróttar). Samningurinn var tekinn til umfjöllunar á 46. fundi Frístunda- og menningarnefndar, sem vísaði samningnum til bæjarráðs.
Bæjarráð gerir eftirtaldar breytingar á samningnum:
4.gr.: Í stað "umboðsmanns" standi "Frístunda- og menningarfulltrúi"
Í viðauka 1 (2.gr.) bætist við "..alla laugardaga fyrfri parts til félagsstarfs" eftirfarandi: "svo fremi sem það er unnt". Einnig breytist síðasta setningu þessarar greinar og verði eftirfarandi: "Knattspyrnufélag Voga skal annast ræstingu aðstöðunnar eftir notkun."
Samningurinn og viðaukinn þannig samþykktur með áorðnum breytingum, með fyrirvara um samþykki bæjarstjórnar.
Bæjarráðð felur forseta bæjarstjórnar að undirrita samninginn fyrir hönd sveitarfélgsins.

10.

1309025 - Húsnæðismál Brunavarna Suðurnesja

Jón Guðlaugsson slökkviliðsstjóri og Bergur Viðar Guðbjörnsson, fulltrúi Sveitarfélagsins Voga í stjórn BS mættu á fundinn og kynntu bæjarráði áform varðandi framtíðarlausn húsnæðismála Brunavarna Suðurnesja. Bæjarráð þakkar þeim heimsóknina og kynninguna.

11.

1308013 - 661. fundur Sambands sveitarfélaga á Suðurnesjum

Fundargerðin lögð fram.

12.

1308027 - 662. fundur S.S.S.

Fundargerðin lögð fram.

13.

1308017 - 7. fundur stjórnar Reykjanes jarðvangs ses.

Fundargerðin lögð fram.

14.

1309003 - 228. fundur Stjórnar B.S. 21. ágúst 2013

Fundargerðin lögð fram.

15.

1309013 - Fundargerð 359. fundar stjórnar Hafnasambands Íslands

Fundargerðin lögð fram.

16.

1309014 - 7. fundargerð stjórnar Þekkingarseturs Suðurnesja

Fundargerðin lögð fram.

17.

1309018 - 237. fundur Heilbrigðiseftirlits Suðurnesja

Fundargerðin lögð fram.

18.

1309023 - Fundargerðir stjórnar Sorpeyðingarstöðvar Suðurnesja, Kölku 2013.

Fundargerðin lögð fram.