Bæjarráð Sveitarfélagsins Voga

Lögð fram ályktun frá UMFI, hvatning til sveitarfélaga og íþrótta- og ungmennafélaga um að iðkendur hjóli, gangi eða taki strætó til og frá íþróttaiðkun.

Lagt fram bréf formanns og framkvæmdastjóra UMFÞ dags. 28.11.2013, beiðni um viðræður um endurskoðun á styrkfjárhæð til félgasins. Bæjarráð fellst á beiðni bréfritara um fund, og býður forsvarsmönnum ungmennafélagsins að mæta á næsta fund bæjarráðs.

Lagt fram bréf Hörguls ehf., dags. 11. nóv. 2013. Bréfritari býður sveitarfélginu til leigu fyrrum húsnæði Landsbankans í Iðndal 2. Bæjarráð þakkar bréfritara tilboðið. Að svo stöddu sér sveitarfélagið sér ekki hag í að taka viðkomandi húsnæði á leigu.

Úrvinnsla bæjarráðs eftir fyrri umræðu í bæjarstjórn. Bæjarráð gekk frá tillögu sinni að fjárhagsáætlun til síðari umræðu, sem send verður út með fundarboði bæjarstjórnar.

Lagt fram bréf Eftirlitsnefndar með fjármálum sveitarfélaga dags. 18.11.2013. Í bréfinu kemur fram að þær upplýsingar sem nefndin hafði áður óskað eftir vegna eftirlitshlutverks síns séu fullnægjandi og að ekki sé óskað frekari upplýsinga vegna fyrirspurnar nefndarinnar.

Lögð fram ályktun bæjarráðs Sveitarfélagsins Garðs frá 14.11.2013 um málefni Heilbrigðisstofnunar Suðurnesja. Bæjarráð tekur undir ályktunina.

Lagt fram afrit af bréfi Vegagerðarinnar til eiganda jarðarinnar Skipholts um niðurfellingu Skipholtsvegar af vegaskrá.

Lagt fram bréf íþróttafélgas fatlaðra á Suðurnesjum, dags. 11.11.2013, beiðni um fjárhagsstyrk til styrktar starfsemi félagsins. Bæjarráð samþykkir að styrkja starfsemina um kr. 50.000. Tekið af lið 0689-9991, styrkir til íþróttamála.

Lagt fram bréf Mennta- og menningarmálaráðuneytisins dags. 14.11.2013, þar sem vakin er athygli á niðurstöðum rannsóknar um hagi ungs fólks 2013.

Lögð fram bréf Hótels Bláa Lónsins ehf. og Blue Lagoon International ehf., þar sem tilkynnt er um þá ákvörðun félaganna að innleysa hlutabréf sveitarfélagsins í félögunum á nafnverði. Nafnverð hlutanna er annars vegar kr. 982,- og hins vegar kr. 5.371.

Lagður fram endanlegur kaupsamningur um hlut sveitarfélagsins í HS Veitum hf. Kaupandi er Ursus I slhf. Áður höfðu drög að kaupsamningi verið lögð fram á 90. fundi bæjarstjórnar, og þau samþykkt. Endanlegur kaupsamningur er í samræmi við áður samþykkt drög, bæjarráð samþykkir því fyrir sitt leyti kaupsamninginn, með fyrirvara um endanlegt samþykki bæjarstjórnar. Að fenginni staðfestingu bæjarstjórnar er bæjarstjóra falið að ganga frá undirritun samningsins f.h. sveitarfélagsins. Eignarhluti sveitarfélagsins í HS Veitum er samtals 1.331.573 hlutir, kaupverð hlutarins er kr. 9.099.448.

Lagður fram tölvupóstur frá nefndarsviði Alþingis dags. 19.11.2013, þar sem sveitarfélaginu gefst kostur á að veita umsögn um frumvarp til laga um vísindarannsóknir á heilbrigðissviði (heildarlög), 159. mál.

Lagður fram tölvupóstur frá nefndarsviði Alþingis dags. 19.11.2013, þar sem sveitarfélaginu gefst kostur á að veita umsögn um frumvarp til laga um lífssynasöfn (söfn heilbrigðisupplýinga og leitargrunnar), 160. mál.

Lagður fram tölvupóstur frá nefndarsviði Alþingis dags. 25.11.2013 þar sem sveitarfélaginu gefst kostur á að veita umsögn um frumvarp til laga um náttúruvernd (brottfall laganna), 167. mál.

Lagður fram tölvupóstur frá nefndarsviði Alþingis dags. 25.11.2013 þar sem sveitarfélaginu gefst kostur á að veita umsögn um frumvarp til laga um barnaverndarlög (rekstur heimila fyrir börn), 186. mál

Lagður fram tölvupóstur frá skipulagsstjóra Hafnarfjarðar dags. 14.11.2013. Með tölvupóstinum fylgir skipulagsuppdráttur nýs aðalskipulags, endurskoðuð umhverfisskýrsla og bréf til umsagnaraðila. Sveitarfélaginu gefst kostur á að veita umsögn um hið nýja aðalskipulag.
Bæjarráð vísar erindinu til Umhverfis- og skipulagsnefndar.

Lögð fram fjárhagsáætlun Sambands sveitarfélaga á Suðurnesjum fyrir árið 2014. Niðurstöður áætlunarinnar hvað varðar sveitarfégið Voga hafa verið færðar inn í fjárhagsáætlun sveitarfélagsins. Bæjarráð samþykkir áætlunina.

Lagt fram bréf formanns samvinnunefndar um svæðisskipulag á Suðurnesjum dags. 22.11.2013. Með bréfinu fylgja tillögur nefndarinnar að starfsreglum fyrir svæðisskipulagsnefnd Suðurnesja.
Bæjarráð vísar erindinu til Umhverfis- og skipulagsnefndar og óskar umsagnar nefndarinnar áður en reglurnar verða teknar til afgreiðlu og samþykktar.

Lögð fram fundargerð 229. fundar stjórnar Brunavarna Suðurnesja dags. 11.11.2013. Gjaldskrá BS er vísað til bæjarstjórnar til staðfestingar.

Lögð fram fundargerð 238. fundar Heilbrigðiseftirlits Suðurnesja, dags. 7.11.2013.

Lögð fram fundargerð 73. fundar Fjölskyldu- og verðverðarnefndar dags. 21.11.2013

Lögð fram fundargerð 810. fundar stjórnar Sambands íslenskra sveitarfélaga dags. 22.11.2013.

Lögð fram fundargerð 667. fundar stjórnar Sambands sveitarfélaga á Suðurnesjum dags. 21.11.2013

Lögð fram fundargerð 88. fundar Þjónustuhóps aldraðra á Suðurnesjum frá 28.10.2013.

Lögð fram fundargerð 89. fundar Þjónustuhóps aldraðra á Suðurnesjum frá 18.11.2013. Með fundargerðinni fylgir ályktun stjórnarfundar Félags eldri borgara á Suðurnesjum dags. 14.11.2013