Bæjarráð Sveitarfélagsins Voga

Erindi Reykjaprents hf. dags. 20.05.2016. Með erindinu fylgja uppdrættir vegna fyrirhugaðrar byggingar félagsins á litlu fjölbýlishúsi að Aragerði 4. Bréfritari beinir þeirri fyrirspurn til sveitarfélagsins hvort hin fyrirhugaða bygging teljist rúmast innan núverandi skipulags sveitarfélagsins eða hvort vinna þurfi sérstaka deiliskipulagstillögu vegna uppbyggingar á lóðinni.

Afgreiðsla bæjarráðs:
Málinu vísað til umfjöllunar í Umhverfis- og skipulagsnefnd.

Fyrir liggur úttekt Karls Frímannssonar ráðgjafa á húsnæðismálum grunnskólans. Jafnframt liggur fyrir niðurstaða úr öflun tilboða í klæðningu utanhúss á hluta skólahúsnæðisins. Ekkert tilboð barst, en einn aðili hyggst senda inn verð og miða við áfangaskiptingu verksins.

Afgreiðsla bæjarráðs:
Skýrsla Karls Frímannssonar lögð fram. Bæjarráð samþykkir að færanleg kennslustofa við leikskólann (Staðarborg) verði flutt á lóð grunnskólans fyrir upphaf næsta skólaárs, og nýtt í starfsemi grunnskólans frá og með næsta skólaári. Bæjarráð leggur jafnframt til að áfram verði unnið að frekari skoðun á húsnæðisþörf grunnskólans m.t.t. framtíðarþróunar skólans.

Erindi Landgræðslu- og skógræktarfélagsins Skógfells dags. 20.05.2016. Í erindinu er vakin athygli á útbrieðslu lúpínu í sveitarfélaginu. Óskað er eftir upplýsingum um hvaða áform sveitarfélagið hefur til að hefta útbreiðslu lúpínu og annarra ágengra tegunda.

Afgreiðsla bæjarráðs:
Erindinu er vísað til umfjöllunar í Umhverfis- og skipulagsnefnd.

Erindi Póst- og fjarskiptastofnunar dags. 01.06.2016, vegna erindis Íslandspósts um lokun póstafgreiðslu í Vogum. Í erindinu er óskað umsagnar sveitarfélagsins um fyrirhugaða lokun póstafgreiðslunnar og breyttrar þjónustu Íslandspósts. Jafnframt liggur fyrir minnisblað bæjarstjóra um málið, dags. 05.06.2016.

Afgreiðsla bæjarráðs:
Bæjarráð sveitarfélagsins Voga gerir ekki athugasemd við áform Íslandspósts hf. um breytt fyrirkomulag póstþjónustu í Vogum, enda verði áfram tryggð sambærileg þjónusta og nú er.

Umhverfis- og samgöngunefnd Alþingis sendir til umsagnar frumvarp til laga um timbur og timburvöru, 785. mál.

Afgreiðsla bæjarráðs:
Lagt fram.

Fundargerðir 114. og 115. funda Fjölskyldu- og velferðarnefndar, ásamt reglum um könnun og meðferð mála.

Afgreiðsla bæjarráðs:
Fundargerðirnar og reglurnar lagðar fram.

Fundargerð 703. fundar stjórnar SSS.

Afgreiðsla bæjarráðs:
Fundargerðin lögð fram.

Fundargerð 256. fundar Heilbrigðisnefndar Suðurnesja.

Afgreiðsla bæjarráðs:
Fundargerðin lögð fram.

Fundargerð 839. fundar stjórnar Sambands íslenskra sveitarfélaga.

Afgreiðsla bæjarráðs:
Fundargerðin lögð fram.