Bæjarráð Sveitarfélagsins Voga

Afgreiðsla bæjarráðs:
Bæjarráð tekur undir erindi Miðstöðvar símenntunar á Suðurnesjum og Þekkingarseturs Suðurnesja og samþykkir eftirfarandi bókun. Bæjarstjóra er falið að koma bókuninni á framfæri við menningar-, nýsköpunar- og háskólaráðuneytið.

Bókun bæjarráðs:
Bæjarráð Sveitarfélagsins Voga tekur undir áhyggjur Miðstöðvar símenntunar á Suðurnesjum og Þekkingarseturs Suðurnesja. Aðgengi að námi í heimabyggð skiptir miklu fyrir einstaklinga, atvinnulíf og áframhaldandi uppbyggingu samfélagsins á Suðurnesjum.

Bæjarráð telur mikilvægt að breytingar á fyrirkomulagi fjarprófaþjónustu byggist á raunverulegri þjónustuþörf, umfangi verkefnisins og sanngjarnri fjármögnun. Jafnframt verður að tryggja raunverulegt samráð við þá aðila sem þjónustunni sinna og þá sem reiða sig á hana.

Bæjarráð hvetur ráðherra til að endurskoða fyrirhugað fyrirkomulag með þessi sjónarmið að leiðarljósi.

Afgreiðsla bæjarráðs:
Bæjarráð samþykkir samhljóða að unnið verði áfram að stækkun Heilsuleikskólans Suðurvalla á grundvelli fyrirliggjandi útboðsgagna, kostnaðaráætlunar og tímalínu.

Bæjarstjóra er falið, í samráði við starfshóp um stækkun leikskólans og ráðgjafa verkefnisins, að fullvinna og ganga frá útboðsgögnum og hefja útboðsferli vegna framkvæmdarinnar.

Afgreiðsla bæjarráðs:
Bæjarráð samþykkir samhljóða reglur um ritun fundargerða og birtingu fundargagna og vísar þeim til afgreiðslu bæjarstjórnar.

Bókun bæjarráðs:
Bæjarráð fagnar því að með reglunum séu tekin skýr skref í átt að auknu gagnsæi og samræmdari vinnubrögðum við meðferð og birtingu fundargagna sveitarfélagsins.

Afgreiðsla bæjarráðs:
Erindið er lagt fram til kynningar. Bæjarráð vísar erindinu til kynningar hjá umhverfis- og skipulagsnefnd og til eftirfylgni hjá umhverfis- og skipulagssviði.

Afgreiðsla bæjarráðs:
Rekstraryfirlit og minnisblöð sviðsstjóra fjármála- og stjórnsýslusviðs lögð fram til kynningar.

Afgreiðsla bæjarráðs:
Bæjarráð samþykkir samhljóða að gengið verði frá samkomulagi við Hopp Reykjanesbæ um rekstur rafhlaupahjóla í Sveitarfélaginu Vogum, með þeim breytingum sem ræddar voru á fundinum og að teknu tilliti til umsagnar Vegagerðarinnar.

Bæjarstjóra er falið að ganga frá samkomulaginu á þeim grundvelli og undirrita það fyrir hönd sveitarfélagsins.

Bókun bæjarráðs:
Bæjarráð fagnar því að með samkomulaginu bætist við nýr samgöngukostur í Sveitarfélaginu Vogum. Samkomulagið stuðlar að fjölbreyttari ferðamátum, bættum tengingum og auknu aðgengi fyrir íbúa og gesti sveitarfélagsins.

Afgreiðsla bæjarráðs:
Bæjarráð samþykkir samhljóða fyrirliggjandi forsendur fjárhagsáætlunar Sveitarfélagsins Voga fyrir árin 2027-2030 sem grundvöll áframhaldandi fjárhagsáætlunarvinnu, með fyrirvara um þær breytingar sem kunna að verða nauðsynlegar við áframhaldandi vinnslu áætlunarinnar.

Afgreiðsla bæjarráðs:

Bæjarráð tekur jákvætt í tillögu A-listans og samþykkir að Sveitarfélagið Vogar sæki um FIFA Arena-knattspyrnuvöll.

Bæjarráð tekur jafnframt fram að vegna þess skamma tíma sem gefist hefur til undirbúnings hefur málið ekki fengið hefðbundna málsmeðferð innan sveitarfélagsins og liggja því ekki fyrir allar þær forsendur sem almennt væri æskilegt að lægju fyrir áður en ákvörðun af þessu tagi er tekin.

Bæjarstjóra er falið að undirbúa og skila umsókn innan umsóknarfrests, með fyrirvara um endanlega afstöðu sveitarfélagsins til staðsetningar, fjármögnunar og annarra skuldbindinga sem kunna að fylgja verkefninu.

Afgreiðslan felur ekki í sér endanlega ákvörðun um staðsetningu vallar, fjárveitingu eða aðrar fjárhagslegar skuldbindingar sveitarfélagsins. Slík atriði komi eftir atvikum til sérstakrar afgreiðslu síðar og staðsetning verði jafnframt háð viðeigandi skipulagslegri meðferð.

Afgreiðsla bæjarráðs:
Fundargerðirnar lagðar fram til kynningar.

Bókun bæjarráðs:

Bæjarráð Sveitarfélagsins Voga lýsir áhyggjum af því að fyrirhugað sé að fella niður framlag til innleiðingar farsældarlaganna. Framlagið hefur verið mikilvægur þáttur í innleiðingu farsældarlaganna og fyrir Sveitarfélagið Voga nam framlagið 5,0 m.kr. á árinu 2026.

Bæjarráð telur mikilvægt að tryggt verði áframhaldandi og fyrirsjáanlegt fjármagn til sveitarfélaga vegna þeirra verkefna og þess umframkostnaðar sem framkvæmd farsældarlaganna hefur í för með sér og hvetur til þess að fyrirhuguð niðurfelling framlagsins verði endurskoðuð.

Afgreiðsla bæjarráðs:
Fundargerðirnar lagðar fram til kynningar.

Bókun bæjarráðs:

Bæjarráð Sveitarfélagsins Voga tekur undir bókun Almannavarnarnefndar Suðurnesja utan Grindavíkur um mikilvægi þess að staða almannavarnarfulltrúa á Suðurnesjum verði tryggð til framtíðar.

Á Suðurnesjum hefur mikið mætt á sveitarfélögunum og viðbragðsaðilum vegna viðvarandi almannavarnaástands síðustu ára. Reynslan af starfi almannavarnarfulltrúa hefur verið mjög góð og sýnt með skýrum hætti mikilvægi þess að fyrir hendi sé staðbundin þekking, samfella og öflug samhæfing viðbragða.

Bæjarráð telur því brýnt að staða almannavarnarfulltrúa verði tryggð til framtíðar og hvetur ríkið til að styðja sveitarfélögin á Suðurnesjum við að tryggja áframhaldandi starf á þessu sviði.

Afgreiðsla bæjarráðs:
Fundargerðin lögð fram til kynningar.

Afgreiðsla bæjarráðs:
Fundargerðin lögð fram til kynningar.

Afgreiðsla bæjarráðs:
Fundargerðin lögð fram til kynningar.

Afgreiðsla bæjarráðs:
Fundargerðin lögð fram til kynningar.

Afgreiðsla bæjarráðs:
Fundargerðin lögð fram til kynningar.