Bæjarráð Sveitarfélagsins Voga

Bæjarráð tekur undir mikilvægi þess að gjaldaákvæði hafnalaga verði endurskoðuð með það að markmiði að lagaumhverfi um gjaldtöku hafna verði skýrt, gagnsætt og raunhæft. Skýr lagaheimild til gjaldtöku er mikilvæg forsenda þess að hafnir geti staðið undir rekstri, viðhaldi, endurnýjun og nauðsynlegri uppbyggingu hafnarmannvirkja.

Bæjarráð felur bæjarstjóra að fylgjast með framgangi málsins og leggja mat á möguleg áhrif fyrir Sveitarfélagið Voga þegar drög að frumvarpi liggja fyrir.

Samkvæmt samantekt HMS hefur íbúðauppbygging í sveitarfélaginu á árunum 2023-2025 verið meiri en metin ný íbúðaþörf á sama tímabili og tilgreindar byggingarhæfar lóðir í húsnæðisáætlun sveitarfélagsins eru taldar nægja til að mæta áætlaðri íbúðaþörf næstu ára.

Bæjarráð leggur áherslu á að áframhaldandi húsnæðisuppbygging í sveitarfélaginu verði metin í samhengi við skipulag, innviði, grunnþjónustu og fjárhagslega getu sveitarfélagsins. Bæjarráð felur bæjarstjóra að fylgja málinu eftir í tengslum við fyrirhugað samtal HMS við sveitarfélagið um húsnæðis- og skipulagsmál.

Bréf EBÍ vegna kosninga í fulltrúaráð ásamt nýjum samþykktum EBÍ lagt fram. Kosning í fulltrúaráð EBÍ fór fram á 247. fundi bæjarstjórnar Sveitarfélagsins Voga þann 11. júní 2026.

Bæjarráð samþykkir að fresta afgreiðslu málsins. Bæjarstjóra er falið að eiga samtal við Suðurnesjabæ, Félag eldri borgara á Suðurnesjum og Félag eldri borgara í Vogum um tilnefningar í ráðið, með það að markmiði að tilnefningar endurspegli með skýrum hætti stöðu félaga eldri borgara á þjónustusvæði ráðsins.

Í erindinu kemur fram að viljayfirlýsing um gerð skipulags og lóðarleigusamnings vegna lóða undir verslunar- og þjónustukjarna í Heiðarlandi Vogajarða, sem undirrituð var 11. febrúar 2025, hafi runnið út 1. júní 2026. Jafnframt kemur fram að Íslenskar fasteignir óski ekki eftir framlengingu viljayfirlýsingarinnar.

Bæjarráð tekur erindið til skoðunar og leggur áherslu á að skoða framtíðarþróun svæðisins í samhengi við áherslur sveitarfélagsins.

Lagt fram.

Bæjarráð vísar í bókun bæjarstjórnar á fundi nr. 242 sem haldinn var 25. febrúar 2026. Bæjarráð lýsir yfir vonbrigðum með undirbúning og framkvæmd á þeim breytingum sem nú hafa verið lögfestar á mikilvægum eftirlitsverkefnum sem varða sveitarfélagið, íbúa þess og atvinnulíf. Bæjarráð telur verulegt áhyggjuefni að svo umfangsmiklar kerfisbreytingar komi til framkvæmda með svo skömmum fyrirvara og raun ber vitni.

Bæjarráð tekur málið til umfjöllunar og leggur áherslu á að tryggja þurfi lögbundna þjónustu til ársloka, örugga yfirfærslu verkefna og gagna, skýra upplýsingagjöf til starfsfólks og vandað fjárhagslegt uppgjör vegna breytinganna.

Bæjarráð felur bæjarstjóra að vinna málið áfram í samráði við Heilbrigðiseftirlit Suðurnesja og aðildarsveitarfélögin, þar á meðal með það að markmiði að kortleggja hvaða verkefni verða áfram hjá sveitarfélögunum eftir 1. janúar 2027 og tryggja óslitna framkvæmd opinberra eftirlitsverkefna. Jafnframt lýsir bæjarráð yfir vilja til samstarfs við önnur sveitarfélög um þau verkefni sem eftir standa.

Lagt fram bréf lögmanns Landsnets hf., dags. 2. júní 2026, um staðfestingu á eignarnámi og viðauka við framkvæmdaleyfi vegna Suðurnesjalínu 2.

Byggingarfulltrúa falið að gefa út viðauka við framkvæmdaleyfi Suðurnesjalínu 2 þegar staðfesting á umráðatöku hinna eignarnumdu réttinda liggur fyrir af hálfu Landsnets hf.

Bæjarráð tekur málið til umfjöllunar og leggur áherslu á að unnið verði hratt og markvisst að því að fjölga leikskólarýmum í sveitarfélaginu til að mæta fyrirsjáanlegri þörf barna og fjölskyldna.

Bæjarráð felur bæjarstjóra að vinna málið áfram, í samráði við verkefnastjóra verkefnisins.

Úthlutunarnefnd uppbyggingarsjóðs SSS:
Tilnefnd eru Magnús G. Jónsson Núpan og Gunnar Richter sem aðalmenn og Alexandra Líf Ingþórsdóttir og Snædís Ósk Guðjónsdóttir sem varamenn.

Stjórn Svæðisskipulags suðurnesja:
Tilnefnd eru Andri Rúnar Sigurðsson og skipulagsfulltrúi Sveitarfélagsins Voga sem aðalmenn og Ingþór Guðmundsson og Jóna Kristbjörg Stefánsdóttir sem varamenn.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.

Lagt fram.