Umhverfisnefnd Sveitarfélagsins Voga

8. fundur umhverfisnefndar var settur kl. 17:00 miðvikudaginn 3. október 2007 að Iðndal

2. Fundinn sátu: Þorvaldur Örn Árnason, Eric dos Santos, Guðbjörg Theodórsdóttir,

Rakel Rut Valdimarsdóttir og Helga Ragnarsdóttir sem jafnframt ritar fundargerð í tölvu.

 

Dagskrá:

1. mál

Viðurkenningar 2007 – hvernig tókst til?

Val nefndarinnar virðist komið í góðar skorður. Afhending umhverfisviðurkenninga

tókst ágætlega en týndist ef til vill í hátíðarhöldunum í Aragerði. Hugmyndir um

breytt fyrirkomulag voru tíundaðar, m.a. að opna garða fyrir almenningi, gera

umhverfisviðurkenninguna meira hvetjandi fyrir íbúa og fá félög eins og Skógfell og

Garðyrkjufélag Íslands til samstarfs.

Eric mætir á fundinn.

 

2. mál

Umhverfisframkvæmdir í sumar – hreinsun og fegrun í bæjarfélaginu.

Miklar breytingar til bóta hafa orðið á opnum svæðum þar sem tyrft var í sumar. Enn

vantar nokkuð upp á að íbúar sinni lóðum sínum.

Vel tókst til með störf Veraldarvina. Vinnuskólinn hefði þó mátt blandast meira í

störf þeirra. Rakel Rut fær hrós nefndarinnar fyrir sinn þátt í að gera dvöl

Veraldarvina í Vogum ánægjulega.

 

3. mál

Fræðsluskiltin – staða málsins.

Þorvaldur fór yfir stöðu mála. Málið verður tekið fyrir á næsta fundi.

 

4. mál

Skráning fornleifa í sveitarfélaginu

Þorvaldur fór stuttlega yfir stöðuna. Málið er í farvegi og verður rætt nánar síðar.

5. mál

Aðalskipulag Voga 2007 – 2027

Farið var yfir nokkur atriði, m.a. vatns- og hverfisvernd, tengingu milli íþróttasvæða

og svæðið við Kálfatjörn. Hugmynd kom einnig upp að sett verði lítið athafnasvæði

ofan við gatnamótin við Voga. Þar væri m.a. hægt að setja upp aðstöðu fyrir farþega

áætlunarbíla og jafnvel bensínstöð.

Umræðu er frestað til næsta fundar.

 

6. mál

Háspennulínur í landi Voga

Málið var rætt. Afgreiðslu frestað til næsta fundar.

Helga yfirgefur fundinn

 

7. mál

Borist hefur bréf frá einum íbúa í Vogum um að fegra aðkomuna í bæinn

með gróðursetningu trjáa.

Nefndin tekur jákvætt í hugmyndina og mun leita eftir áliti Skógfells áður en málið

verður afgreitt.

Umhverfisþing verður haldið í Reykjavík 12. og 13. okt. Formaður nefndarinnar mun

mæta og hugsanlega fleiri úr nefndinni.

 

Fleira ekki gert og fundi slitið kl. 20:00