Umhverfisnefnd Sveitarfélagsins Voga

5. fundur umhverfisnefndar var haldinn miðvikudaginn 4. júní 2008 kl. 17:00

að Iðndal 2.

Mætt voru: Þorvaldur Örn Árnason, Rakel Rut Valdimarsdóttir, Guðbjörg Theodórsdóttir,

Eric dos Santos og Helga Ragnarsdóttir sem jafnframt ritar fundargerð í tölvu. Sverrir

Agnarsson mætir á fundinn.

Dagskrá:

1. mál

Umhverfisdagar og hreinsunarvika. Hvernig tókst til?

Sverrir gerir grein fyrir því að miklu hafi verið fargað af rusli úr görðum, trjám, mold og

öðru. Fimm járnagámar voru fylltir ásamt þremur vörubílum. Járnagámar eru fríir svo

kostnaður sveitarfélagsins var enginn af þeim. Járn er verðmætt rusl og Hringrás sækir það

að kostnaðarlausu.

Nefndin ítrekar að íbúar flokki rusl áður en farið er með það á gámasvæðið.

Af því sem nefndarmenn hafa heyrt er fólk almennt ánægt með hreinsunarvikuna. Þó voru

brögð af því að rusl var ekki sótt og að aðstoð við að fjarlægja stóra hluti var ekki eins og

auglýst var.

Lagt er til að hreinsunardagar verði aftur dagana fyrir fjölskyldudaginn.

2. mál

Umhverfisverkefni sumarsins. Verkefni vinnuskólans og sjálfboðavinnuhóps

Veraldarvina. Sbr. umhirðuáætlun.

Sverrir gerir grein fyrir verkefnum sumarsins: Búið er að fá verktaka í gatna- og gangstétta-

framkvæmdir í sumar. Víða verður framkvæmt í bænum – bætt þar sem þörf er á m.a. í

Leirdal og við Hafnargötu. Illa gengur að fá fólk til vinnu, sérstaklega flokkstjóra. Klárað

verður að snyrta innkomuna í bæinn, snyrta þarf í kringum íþróttasvæðið og við

félagsmiðstöðina. Setja á upp leiksvæði í dalahverfinu. Unnið hefur verið í kattaförgun, sex

hafa verið fangaðir. Kettir eru stórvandamál, sérstaklega í suðurhluta Voganna. Búið er að

hreinsa Norðurkotið sem brann og stendur til að snyrta í kring í sumar. Ekkert gerist með

púttvöllinn neðan Hvammsgötu, þarf að skipuleggja sem slíkan eða grenndarkynna. Snyrt

hefur verið við enda Mýrargötu. Nefndin leggur til að Minni-Vogatúnið nái niður að

sjóvarnargarði og ekki verði fyllt meira í túnið.

3. mál

Undirbúa og auglýsa umhverfisviðurkenningar sumarsins.

Þorvaldur biður Sverri um að fá þá sem vinna við umhverfismál í sveitarfélaginu til að koma

með tillögur sem nefndin myndi skoða nánar.

Sverrir víkur af fundi.

Farið var yfir tillögu að auglýsingu. Lagt til að næsti fundur verið helgaður

umhverfisviðurkenningunum og að hann verði haldinn mánudaginn 7. júlí kl. 10:00.

Viðmiðunarreglur liggja fyrir.

4. mál

Jarðvegslosunarsvæði

 

Fyrir liggja stórframkvæmdir við gatnagerð í Grænuborgarhverfi. Fyrirtækið sem

framkvæmir hyggst flokka jarðveg, endurnota grjót til framkvæmdanna en losa sig við

moldina að hluta. Nefndin telur æskilegt að nýta sem best það efni sem til fellur við

framkvæmdir. Sveitarfélagið býr ekki yfir neinum jarðvegslosunarsvæðum svo brýnt er að

leysa það mál sem fyrst.

Svæði sem ætluð verða fyrir skóg eða útivistarsvæði gætu e.t.v. tekið við einhverju og athuga

þyrfti hvort hægt væri að nota eitthvað af jarðveginum við framkvæmdir á nýju

íþróttavallarsvæði.

5. mál

Fræðsluskiltin

Unnið er að lokafrágangi skiltanna. Þorvaldur, Helga og Guðbjörg hafa sett niður hæla sem

staðsetja skiltin. Sú hugmynd kom upp að nýta bakhlið skiltanna fyrir myndir og texta um

m.a. Stóru-Voga á fjöruskiltinu en Austurkot, Arahól og Minni-Voga á tjarnarskiltinu. Það

yrði næsta verkefni.

6. mál

Ljósmyndir á Vogavef

Æskilegast er að allar myndir tengdar umhverfismálum verði inni á Vogasíðunni. Þar er nú

þegar efnilegur vísir að myndasafni. Útbúa þyrfti flokkunarkerfi. Tilgreina þarf höfunda

myndanna.

7. mál

Framhald fornleifaskráningar

Farið er að tillögum nefndarinnar þar sem lagt var til að klára að skrá Vogajarðir og

Kálfatjarnartorfuna. Vinna við áframhaldandi skráningu er nú þegar hafin.

8. mál

Önnur mál

Settir voru kassar – hugmyndabankar á þrjá staði í bænum. 110 miðar komu upp úr

kössunum. 55 flokkuðust sem umhverfismál, 32 önnur framfaramál og 23 voru grín eða

ómarktækir. 15 mál fjölluðu um aukinn gróður, 18 um snyrtingu og tiltekt, 7 varðandi

gangstéttar, götur og hraðahindranir og 4 um tjörnina. Tilraunin tókst vel og betur en

nefndarmenn þorðu að vona. Hugmyndirnar sem snúa að umhverfismálum verða nú teknar

til athugunar í umhverfisnefnd. Aðrar hugmyndir eru sendar bæjarstjóra.

Nefndin ítrekar að akstur fjórhjóla utan vega er bannaður.

Þorvaldur leggur til að nefndin íhugi fyrir næstu fjárhagsáætlun hvaða stóru framfaramál hún

sjái fyrir sér að tekin verði fyrir.

Fleira ekki gert og fundi slitið kl. 19:50