Umhverfisnefnd Sveitarfélagsins Voga

Afgreiðsla umhverfisnefndar: Nefndin tekur undir þau sjónarmið sem fram komu í afgreiðslu bæjarráðs á fundi ráðsins þann 7. febrúar 2024, að sveitarfélagið segi sig frá þátttöku í Reykjanesfólkvangi. Í framhaldi af þessari umræðu óskar nefndin eftir kynningu frá Reykjanes Geopark á næsta fundi umhverfisnefndar.

Afgreiðsla umhverfisnefndar: Nefndin hvetur umhverfis- og skipulagssvið að halda áfram þeirri vinnu sem er í gangi. Nefndin telur að gera þurfi betur við að sinna vetrarþjónustu á Reykjanesbraut og Vatnsleysustrandarvegi.

Afgreiðsla umhverfisnefndar: Drög að skipulagi vinnuskólans kynnt og nefndin tekur vel í þau.

Afgreiðsla umhverfisnefndar: Nefndin tekur vel í tillögur umhverfis- og skipulagssviðs varðandi hreinsun, umhirðu og fegrun bæjarins. Nefndin leggur til skipulag áherslusvæða fyrir plokkdaginn, þau svæði eru aðkoman inn í bæinn og landsmótssvæðið. Maí mánuður verður helgaður fegrun umhverfisins fyrir landsmót. Nefndin leggur jafnframt áherslu á að fylgst verði vel með ruslatunnum og þær tæmdar reglulega og þá að minnsta kosti vikulega. Eins óskar nefndin eftir því að byggingaverktakar verði áminntir á að passa upp á rusl frá sínum vinnusvæðum og hreinsi í kringum sig. Nefndin óskar eftir að Kölku verði sent erindi um umgengni á gámasvæði og að merkingar séu réttar á ruslagámum. Nefndin leggur til að haldið verði áfram í átaki gegn óleyfisgámum og byggingum innan marka sveitarfélagsins.

Afgreiðsla umhverfisnefndar: Rætt um stöðuna í sorpmálum og mögulega staðsetning fleiri grenndarstöðva. Lagt til að núverandi grenndarstöð verði færð að áhaldahúsi og upplýsingar um nýtingu verði skoðaðar. Nefndin leggur til að næsta grenndarstöð verði staðsett á Grænuborgarsvæðinu.