Skipulagsnefnd Sveitarfélagsins Voga
Dagskrá
1.Frístundasvæði við Breiðagerðisvík - Deiliskipulagsmál
2104030
Tekið fyrir að nýju eftir auglýsingu í samræmi við 1. mgr. 41. gr. skipulagslaga nr. 123/2010.
Afgreiðsla skipulagsnefndar: Nefndin fór yfir umsagnir og athugasemdir í samræmi við 3. mgr. 41. gr. skipulagslaga nr. 123/2010 og samþykkir tillögur að svörum athugasemda og umsagna. Nefndin leggur til við bæjarstjórn að samþykkja tillögu að deiliskipulagi skv. áðurnefndri grein skipulagslaga nr. 123/2010.
2.Umsókn um breytingu á skipulagi - Hafnargata 10
2412013
Ganti ehf. óskar eftir breytingu á skipulagi svo að á svæðinu rúmist athafnasvæði.
Afgreiðsla skipulagsnefndar: Nefndin samþykkir að athafnarstarfsemi verði leyfð á svæðinu ásamt verslun og þjónustu. Erindinu vísað til frekari skipulagsvinnu.
3.Aðal- og deiliskipulagstillaga Hafnargötu 101
2501010
Lögð er fram skipulagslýsing á aðalskipulagsbreytingu skv. 30. gr. og nýju deiliskipulagi skv. 40. gr. skipulagslaga nr. 123/2010.
Afgreiðsla skipulagsnefndar: Nefndin leggur til við bæjarstjórn að skipulagslýsingin verði kynnt skv. 3. mgr. 40 gr. og 2. mgr. 30. gr. skipulagslaga nr. 123/2010.
4.Endurskoðun aðalskipulags 2024 - 2040
2104026
Tekið fyrir að nýju, farið yfir ábendingar og athugasemdir Skipulagsstofnunar. Einnig liggur fyrir afstað bæjarráðs um athugasemd.
Afgreiðsla skipulagsnefndar: Nefndin fór yfir athugasemdir og ábendingar Skipulagsstofnunar.
5.Beiðni um breytingu á deiliskipulagi Grænaborg 6
2504021
Húsfélag Grænuborgar 6 óskar eftir breytingu á deiliskipulagi til þess að rúma fleiri bílastæði við húsið.
Afgreiðsla skipulagsnefndar: Nefndin hafnar erindinu, fjölgun bílastæða samræmist ekki deiliskipulagi. Nefndin felur umhverfis- og skipulagssviði að ræða við húsfélag Grænuborgar 6 um aðra kosti.
6.Fyrirspurn um skipulagsmál Austurkot
2504022
Eggert Kjartansson fyrir hönd Brix production sendir inn fyrirspurn um skiptingu lands Austurkots á Vatnsleysuströnd. Einnig felst í fyrirspurninni hvernig skipulagsnefnd myndi taka í að á lóðunum myndu vera 1-2 35fm hús sem notuð yrðu sem gistirými til útleigu í skamman tíma í einu.
Afgreiðsla skipulagsnefndar: Ekkert deiliskipulag er fyrir svæðið en í deiliskipulagi væri möguleiki að koma fyrir heimild um gistingu. Nefndin vill jafnframt benda á að við Austurkot 1 stendur hús sem flutt var á staðinn án leyfis byggingafulltrúa og er því í óleyfi og þarf að fjarlægja það.
7.Iðndalur 23 - byggingarmál og skipulag lóðar
2504024
Óskað er eftir færslu á innkeyrslu lóðarinnar á vesturhlið, breytingu á lóð á austur hlið og leyfi til að hafa útleiguíbúðir á neðri hæð.
Afgreiðsla skipulagsnefndar: Ekki er fallist á íbúðir á neðri hæðum en samkvæmt skipulagi eru íbúðir aðeins heimilaðar á efri hæðum. Nefndin hafnar alfarið stækkun lóðar vegna nálægðar við íbúðabyggð.
Fundi slitið - kl. 18:40.
