Skipulagsnefnd Sveitarfélagsins Voga
Dagskrá
Formaður óskaði eftir því að taka mál nr. 6, málsnr. 2208022, Deiliskipulag miðbæjarsvæðis, inn með afbrigðum og var það samþykkt samhljóða.
1.Kirkjuholt aðalskipulagsbreyting og deiliskipulag
2206024
Tekið fyrir að nýju, að lokinni kynningu skipulagslýsingar skv. 1. mgr. 30 gr og 1. mgr. 40 gr. skipulagslaga. Ein athugasemd barst á kynningartíma og umsagnir umsagnaraðila. Fyrirhugað er að koma fyrir nokkrum íbúðarlóðum þar sem gert verður ráð fyrir sérbýlis- og fjölbýlishúsum á 1-2 hæðum. Breyta þarf aðalskipulagi vegna breytinga á landnotkun og viðfangsefni deiliskipulagsins er m.a. að afmarka lóðir og byggingarreiti ásamt því að skilgreina fyrirkomulag aðkomu og setja þau ákvæði sem ástæða er til í deiliskipulag.
Samþykkt
Afgreiðsla skipulagsnefndar: Nefndin leggur til við bæjarstjórn að samþykkja tillögu að breytingu á aðalskipulagi og tillögu að deiliskipulagi ásamt því að óska eftir því við Skipulagsstofnun að fá að auglýsa tillögu að aðalskipulagi skv. 31. gr. skipulagsslaga nr. 112/2010. Samhliða auglýsingu aðalskipulagsbreytingar verður nýtt deiliskipulag auglýst.
2.Deiliskipulag og uppbygging á reit IB-5
2205002
Lögð er fram skipulagslýsing vegna deiliskipulags fyrir nýja íbúðabyggð ofan við Dali, nánar tiltekið svæði ÍB-5 í gildandi aðalskipulagi, skv. 1 mgr. 40. gr. skipulagslaga nr. 123/2010. Ekkert deiliskipulag er til fyrir svæðið og því er um að ræða nýtt deiliskipulag sem samræmist gildandi aðalskipulagi.
Frestað
Afgreiðsla skipulagsnefndar: Nefndin frestar erindinu til næsta fundar.
3.Hafnargata 101 - Erindi frá Særúnu Jónsdóttur
2203048
Bréf Særúnar Jónsdóttur dags. 26. ágúst 2022 lagt fram.
Afgreiðsla skipulagsnefndar: Nefndin felur byggingarfulltrúa að svara bréfritara.
4.Iðndalur 7-11 fyrirspurn vegna breytinga á deiliskipulagi
2201013
Jón Magnús leggur inn fyrirspurnarteikningar fyrir Iðndal 7 og 11. Varðandi lóð 7 þá er ætlunin að byggja og innrétta verslunarrými á lóð 7 á einni hæð með steyptri loftaplötu, með möguleika á að byggja efri hæð seinna til íbúðar. Ætlunin er að byggja á einni hæð en eiga þann möguleika á að bæta við efri hæð skv. skipulagi. Varðandi lóð 11 þá er ætlunin að byggja og innrétta viðverurými fyrir starfsfólk lóðarhafa, þessi gistiherbergi eru hugsuð til skemmri tíma en húsnæðið er ætlað til útleigu á skrifstofurýmum. Byggingin er á einni hæð með steyptri loftaplötu, með möguleika á að byggja efri hæð seinna til íbúðar eða atvinnu.
Afgreiðsla skipulagsnefndar: Nefndin samþykkir fyrirhugað uppbyggingu á lóð Iðndals 7. Hinsvegar er ekki fallist á gistiherbergi til skemmri tíma á lóð Iðndals 11.
5.Göngu- og hjólreiðastígur Vogastapi
2107005
Lagt er fyrir nefndina lega og hönnun göngu- og hjólastígs yfir Vogastapa.
Lagt fram
Afgreiðsla skipulagsnefndar: Nefndin tekur vel í erindið en leggur til að farið verði um gamla Keflavíkurveg.
6.Deiliskipulagsbreyting miðbæjarsvæði
2208022
Í breytingunni felst að byggingareitum fjölgar úr tveimur í þrjá. Heimilt verður að byggja á 1-2 hæðum fyrir miðbæjarstarfsemi, verslun og þjónustu. Einnig er heimilit að byggja fjölbýlishús á 3-4. hæðum. Ásamt því eru settir skilmálar um nýtingarhlutfall og fjölda íbúða. Fyrir liggur úthlutun bæjarráðs á lóðinni.
Frestað
Afgreiðsla skipulagsnefndar: Nefndin frestar erindinu.
Fundi slitið - kl. 19:20.
