Stóri plokkdagurinn 24. apríl 2021
19. apríl 2021
Stóri plokkdagurinn er laugardaginn 24. apríl. Sveitarfélagið Vogar tekur þátt í honum eins og venjulega.
Við munum mæta við þjónustumiðstöð kl. 10 og verðum til um kl. 13. Hægt verður að nálgast margnota strigapoka og aðra poka í þjónustumiðstöðinni, einnig verða þar plokktangir til láns (muna að skila þeim á sama stað). Boðið verður upp á hressingu við þjónustumiðstöð.
Við minnum alla á að nota margnota hanska og gæta sín á sprautunálum og öðru hættulegu sem menn rekast á (sjá tengil á grein um stunguóhapp og förgun sprautunála hér neðst í fréttinni)
Stórir safnsekkir sem hægt verður að tæma minni poka í verða staðsettir á eftirfarandi stöðum :
- Undir Stapanum þar sem keyrt er niður í fjöru, sunnan við Stofnfisk.
- Við íþróttamiðstöðina
- Við leikskólann
- Við samkomuhúsið Kirkjuhvol (Vatnsleysuströnd)
Dæmi um svæði og staði sem þarfnast plokkunar
- Vogaafleggjari, báðum megin auk gatnamóta
- Allur útjaðar Voganna
- Útivistarsvæði á Stapanum
- Nýbyggingasvæði, Skyggnisholt
- Með vatnsleysustrandarvegi
- Strandlengjan – háfjara rétt fyrir hádegi
- Hafnarsvæðið
- Svæðið við Vogatjörn
- Kringum Stóru-Vogaskóla
- Kringum Leikskólann
- Annað sem þið vitið um
Látum vita af pokum og rusli sem þarf að sækja
Tökum myndir og deilum #Vogar2021 #fyrirVoga #plokk2021 plokkiVogum2021
Facebook síða „Plokk á Íslandi“ ef ykkur vantar innblástur https://www.facebook.com/groups/plokkaislandi/
https://www.landlaeknir.is/um-embaettid/greinar/grein/item24903/Stunguohapp
Hægt verður að hafa samband við mig, Guðrúnu,á Facebook/Messenger eða síma 699-6537 ef spurningar vakna. Gerum þetta saman, margar hendur vinna létt verk
