Foreldrarölt hefst í Sveitarfélaginu Vogum!

Í framhaldi af vel heppnuðum foreldrafundi nýlega hefur foreldrafélag Stóru-Vogaskól í samvinnu við Sveitarfélagið ákveðið að hefja foreldrarölt á föstudagskvöldum. Foreldrarölt er samfélagslegt framtak sem hefur reynst vel í öðrum bæjarfélögum og haft jákvæð áhrif á öryggi og velferð barna.  Lögreglan hefur meðal annars bent á að slík verkefni dragi úr óæskilegri hegðun unglinga og styrki samstöðu foreldra og samfélagsins í heild.

Hvernig virkar foreldrarölt?

Foreldrar og forráðamenn barna í 6.–10. bekk skipta með sér helgum. Hver bekkur ber ábyrgð á að sjá um sitt rölt, með fyrstu og síðustu helgi þessa fyrsta tímabils í höndum stjórnar Foreldrafélagsins, 29. nóvember.

Áður en farið er í rölt er gott að kynna sér ráðleggingar sem verða aðgengilegar í formi upplýsingablaðs eða á netinu.

Að rölti loknu skila þátttakendur stuttri skýrslu rafrænt eða á pappír. Rafræna skýrslu er hægt að fylla út hér: Skýrsluskil.

Þátttakendur eru hvattir til að vera með hérna á þessari facebooksíðu -> Foreldrarölt í Vogum á Vatnsleysuströnd (https://www.facebook.com/groups/568932408847758).

Hvernig skrái ég mig?

Aðstandendur barna í öðrum bekkjum, eða aðrir sem vilja taka þátt, geta skráð sig í foreldrarölt í gegnum eftirfarandi hlekk: Skráning.

Dagatal foreldrarölts

Hér að neðan má sjá hvaða bekkur er á hvaða helgi:

Við hvetjum alla foreldra til að taka þátt í þessu mikilvægasta samfélagsverkefni.

Það þarf heilt þorp til að ala upp barn!

Foreldrafélag Stóru-Vogaskóla og Sveitarfélagið Vogar