17. júní var haldin hátíðlegur í Vogunum, nánar tiltekið í Stóru-Vogaskóla. Margt var um manninn og ekki skemmdi það fyrir að veðrið lék við hátíðargesti. Gestir mættu í hátíðarbúning og nokkrir héldu í hefðina og komu í þjóðbúningum.
Veisluborðið svignaði undan glæsilegum tertum. Stemmingin var einstök en varð enn hátíðlegri þegar að tvær ungar glímukonur komu inn í Tjarnarsal og sýndu þjóðaríþróttina á trégólfinu.
Hoppukastalarnir voru fullir allan tímann, Berserkir höfðu varla við að setja upp leiki, krakkarnir gerðu blómsveiga og fóru í leiki fyrir utan skólann.
Við þökkum öllum þeim sem mættu fyrir samveruna.