100. fundur Björns Sæbjörnssonar í bæjarstjórn
27. ágúst 2021
Björn Sæbjörnsson bæjarfulltrúi tekur við bókargjöf úr hendi Ingþórs Guðmundssonar forseta bæjarstjórnar
Miðvikudaginn 26. maí síðastliðinn sat bæjarfulltrúi D-listans Björn Sæbjörnsson sinn 100. bæjarstjórnarfund.
Björn var kjörinn varabæjarfulltrúi árið 2010 og fyrsta bæjarstjórnarfund sinn sat hann 27. janúar árið 2011. Björn tók sæti sem aðalmaður í bæjarstjórn á miðju ári 2013 og hefur setið óslitið síðan.
Sveitarfélagið óskar Birni til hamingju með þennan áfanga og þakkar honum störf hans í þágu sveitarfélagsins.
Þessa áfanga var minnst á fundi bæjarstjórnar 25. ágúst 2021 og af því tilefni færði sveitarfélagið Birni bókargjöf. Á meðfylgjandi mynd má sjá Ingþór Guðmundsson forseta bæjarstjórnar afhenda Birni gjöfina.
