Umhverfis- og skipulagsnefnd Sveitarfélagsins Voga
Fundur haldinn í umhverfis- og skipulagsnefnd Sveitarfélagsins Voga,
mánudaginn 12. janúar 2009 kl. 18:00 að Iðndal 2.
.
Mættir eru: Þorvaldur Örn Árnason, Hörður Harðarson, Oktavía Ragnarsdóttir, Þórður
Guðmundsson og Guðbjörg Thedórsdóttir. Einnig situr fundinn Sigurður H. Valtýsson
skipulags- og byggingarfulltrúi. Hörður Harðarson ritar fundargerð í tölvu.
Formaður leitar afbrigða frá fundarsköpum með að taka eitt annað mál á dagskrá og er
samþykkt að taka það undir 12. lið.
Skipulagsmál
1. Bréf Skipulagsstofnunar dags. 23.12.2008 um tillögu að Aðalskipulagi
Sveitarfélagsins Voga 2008-2028, þar sem gerð er athugasemd við að tillagan
verði auglýst, einnig eru gerðar athugasemdir og komið með ábendingar við
tillöguna.
Lagt er til að tillagan verði lagfærð og skýrð nánar skv. eftirfarandi bókun og
að því búnu verði tillagan lögð fyrir Skipulagsstofnun að nýju.
1. Vísa í inngangi til laga um mat á umhverfisáhrifum nr. 106/2000 og
tilgreina þær framkvæmdir sem aðalskipulagið gerir ráð fyrir og falla
undir lögin.
2. Í 6. gr. l u u m á segir: “Umhverfismat áætlunar skal sett fram í
umhverfisskýrslu sem verið getur hluti af greinargerð með
áætluninni.”
3. Þar sem íbúafjöldi sveitarfélagsins hefur um það bil tvöfaldast
síðastliðin 10 ár telur nefndin ekki óeðlilegt að reikna með þreföldun
á næstu 20 árum.
4. Þegar er hafin vinna við svæði ÍB-3 og stefnt er að byrjun
framkvæmda við svæði ÍB-4 á árinu 2009. Framkvæmdir við svæði
ÍB-5 og 6 eru fyrirhugaðar seinnihluta skipulagstímabilsins.
5. Svæði A-5 og A-6 eru tilkomin vegna áhuga aðila á þessum svæðum
og telur nefndin ekki æskilegt að áfangaskipta uppbyggingunni vegna
ólíkra þarfa á staðsetningu.
6. Þarna er mjög stórt iðnaðarsvæði á núgildandi skipulagi og miklar
rannsóknir farið fram á svæðinu frá því þegar til stóð að þar kæmi
álver sem ekki hefur orðið. Með nýja aðalskipulaginu minnkar svæðið
verulega en gæti eftir sem áður rúmað hvort heldur stóriðju eða stór
fyrirtæki tengd stórskipahöfn. Engan veginn er víst að svæðið byggist
á tímabilinu en talið er rétt að halda þeim möguleika opnum.
7. Vísa þarf til laga um mat á umhverfisáhrifum.
8. Á núgildandi aðalskipulagi er gert ráð fyrir höfn á svæðinu og hafa
miklar rannsóknir farið fram á hafnarsvæðinu og liggur fyrir hönnun á
höfn frá því til stóð að þar kæmi álver sem ekki hefur orðið. Með nýja
aðalskipulaginu minnkar svæðið verulega en gæti eftir sem áður
rúmað hvort heldur stóriðju eða stór fyrirtæki tengd stórskipahöfn.
Engan veginn er víst að svæðið byggist á tímabilinu en talið er rétt að
halda þeim möguleika opnum.
9. Í tillögunni er deiliskipulag forsenda nýbyggingar á bújörð.
10. Nefndin leggur til að heimilt verði að reisa allt að þremur stökum
íbúðarhúsum á núverandi bújörðum.
11. Nefndin leggur til að frístundahús skuli einungis reist á skilgreindum
svæðum fyrir frístundabyggð.
12. Nefndin tekur undir með Skipulagsstofnun og leggur til að
deiliskipulag verði skilyrði frekari uppbyggingar frístundahúsa á
svæði F-1.
13. Nefndin vísar öðrum athugasemdum til skipulagsráðgjafa og
byggingarfulltrúa til lagfæringa.
2. Bréf Skipulagsstofnunar dags. 09.12.2008 um deiliskipulag miðbæjarsvæðis,
þar sem gerð er athugasemd við að samþykki deiliskipulagsins verði auglýst
og bent á að við lokaafgreiðslu deiliskipulagstillögunar þurfi að liggja fyrir
umsögn Fornleifaverndar ríkisins og umsögn Vegagerðarinnar við samþykki
sveitarstjórnar.
Lagt er til að leitað verði umsagna Fornleifaverndar ríkisins og
Vegagerðarinnar og að því búnu verði tillagan lögð fyrir Skipulagsstofnun
að nýju.
3. Bréf Skipulagsstjóra Kópavogsbæjar dags. 02.12.2008 ásamt
umhverfisskýrslu og tillögu að verulegri breytingu á Svæðisskipulagi
Höfuðborgarsvæðisins 2001-2024. Tillagan send bæjaryfirvöldum í Vogum til
kynningar.
Engar athugasemdir eru gerðar við tillöguna.
4. Bréf frá Skipulagsfulltrúa Reykjanesbæjar dags. 19.12.2008 ásamt
umhverfisskýrslu og tillögu að deiliskipulagi Motopark. Tillagan send
bæjaryfirvöldum í Vogum til umsagnar.
Umhverfis- og skipulagsnefnd finnst ástæða til að ítreka áhyggjur sínar
vegna hugsanlegra neikvæðra áhrifa á framtíðarvatnstökusvæði nálægt
Snorrastaðatjörnum. Þó grunnvatnslíkanið sem fylgir tillögunni geri ráð
fyrir að meginstraumar grunnvatns fari undir Stapann til norðurs er ekki
hægt að tryggja að hluti þess berist ekki lengra til austurs, sérstaklega þegar
horft er til þess að spurngustefnan er til norðausturs. Þetta er líka spurning
um trúverðugleika þess að vatn í Vogalandi sé með öllu ómengað og þannig
í hæsta gæðaflokki.
Mengunarvarnir á suð-austur hluta Motopark-svæðisins þyrftu að vera
sérlega strangar, t.d. að hleypa götuafrennsli ekki í jörð þar og gera
sérstaklega strangar kröfur um meðhöndlun efna og olíuvara.
Byggingarleyfi
5. Hafnargata 5, Vogum, byggingarleyfi fyrir bílskúr o.fl. Afgreiðsla tillögu um
málið í samræmi við 3. mál frá 1. fundi nefndarinnar.
Hörður lýsir yfir vanhæfi sínu í afgreiðslu þessa máls og víkur af fundi kl. 20:10.
Agnes Stafánsdóttir tekur sæti hans.
Að liðnum fresti sem hagsmunaaðilum, eigendum húsa á lóðunum nr. 2, 4
og 6 við Hólagötu og Hafnargötu 5 og 7, var gefinn til að að andmæla eða
gera athugasemdir við fyrirhugaða afgreiðslu málsins er á ný lagður fram
úrskurður úrskurðarnefndar skipulags- og byggingarmála, frá 16. október
2008, varðandi byggingarleyfi fyrir bílskúr o.fl. við Hafnargötu nr. 5 í
Vogum, ásamt minnisblað Landslaga lögfræðistofu, dags. 18. nóvember
2008. Athugasemdir bárust frá byggingarleyfishafa Hafnargötu 5, dags. 17.
desember 2008, eiganda Hólagötu 4, dags. 15. desember 2008, eiganda
Hólagötu 6, dags. 9. desember 2008 og eiganda Hólagötu 2, dags. 9. janúar
2009. Einnig lögð fram umsögn Landslaga lögfræðistofu, dags. 8. janúar
2009.
Samþykkt, með vísan til framlagðrar umsagnar Landslaga lögfræðistofu,
dags. 8. janúar 2009, að gefa eigendum á lóðunum nr. 2, 4 og 6 við
Hólagötu og Hafnargötu 5 og 7, 14. daga frest til að tjá sig um þá tillögu að
afgreiðslu málsins sem fram kemur í umsögninn, um að
byggingarleyfishafa verði gert að fjarlægja bílskúrinn innan mánaðar frá
dagsetningu tilkynningar þar um að viðlögðum dagsektum að fjárhæð kr.
10.000 á dag eftir þann tíma. Hafi skúrinn ekki verið fjarlægður innan
tveggja mánaða frá tilkynningunni verði hann fjarlægður á kostnað
lóðarhafa. Lóðarhafa verði ekki gert að setja á ný innbyggðan bílskúr í
húsið.
Agnes Stafánsdóttir víkur af fundi kl. 20:40 og Hörður tekur aftur sæti.
6. Tjarnargata 1b, Vogum. Umsókn Reykjaprents ehf. dags. 25.11.2008 um
byggingarleyfi fyrir skiptingu húss í 2 íbúðir, rif á skúrbyggingu og
nýbyggingar í staðinn, ýmsum breytingum á útliti og innra fyrirkomulagi,
breytingu á bílgeymslu, breytingu á frágangi lóðar og bílastæða. Skv.
aðaluppdráttum GLÁMU-KÍM arkitekta.
Fara skal fram grenndarkynning í samræmi við 7. mgr. 43. gr. laga nr.
73/1997, þar sem ekki liggur fyrir deiliskipulag af svæðinu og það þegar
byggt, áður en umsókn um byggingarleyfi er afgreidd.
Kynna skal umsóknina fyrir skólayfirvöldum og eigendum Stóru Vogaskóla
ásamt íbúum og eigendum Vogagerðis 4, 6 , 8 og 10 og Garðhúsum.
7. Hábær 1, Vogum. Umsókn Reykjaprents ehf. dags. 25.11.2008 um
byggingarleyfi fyrir, rif á forstofubyggingu og breyting á inngangi, ýmsum
breytingum á útliti og innra fyrirkomulagi, breytingu bílastæða á lóð. Skv.
aðaluppdráttum GLÁMU-KÍM arkitekta.
Fara skal fram grenndarkynning í samræmi við 7. mgr. 43. gr. laga nr.
73/1997, þar sem ekki liggur fyrir deiliskipulag af svæðinu og það þegar
byggt, áður en umsókn um byggingarleyfi er afgreidd.
Kynna skal umsóknina fyrir skólayfirvöldum og eigendum Stóru Vogaskóla
ásamt íbúum og eigendum Vogagerðis 4, 6 , 8 og 10 og Garðhúsum.
8. Spilda úr landi Stóra Knarrarness, Vatnsleysuströnd, landnr. 211259.
Umsókn Péturs Hlöðverssonar dags. 10.12.2008 um byggingarleyfi fyrir
einbýlishús. Skv. aðaluppdráttum HSÁ teiknistofu.
Umsókninni er hafnað sbr. 11. gr. skipulags- og byggingarlaga nr. 73/1997,
þar sem ekki liggur fyrir deiliskipulag.
Gera þarf deiliskipulag í samræmi við aðalskipulag og skipulags- og
byggingarlög nr. 73/1997 áður en hægt er veita byggingarleyfi.
9. Auðnar 2, Vatnsleysuströnd. Umsókn Vals Guðmundssonar dags. 04.12.2008
um byggingarleyfi fyrir frístundahús og gróðurhús. Skv. aðaluppdráttum
Artik teiknistofu dags.
Fara skal fram grenndarkynning í samræmi við 7. mgr. 43. gr. laga nr.
73/1997, þar sem ekki liggur fyrir deiliskipulag af svæðinu og það þegar
byggt, áður en umsókn um byggingarleyfi er afgreidd.
Kynna skal umsóknina fyrir eigendum aðliggjandi lóða, Auðna 1 og 3.
Lagfæra skal uppdrætti í samræmi við athugasemdir byggingarfulltrúa fyrir
grenndarkynningu.
10. Iðndalur 10a, Vogum. Umsókn Lionsklúbbsins Keilis skv. bréfi dags.
22.12.2008 um byggingarleyfi fyrir félagsheimili Lionsklúbbsins. Skv.
aðaluppdráttum Nýju Teiknistofunnar.
Umsókninni er frestað þar sem breyting á deiliskipulagi hefur ekki verið
staðfest.
Lagfæra skal uppdrætti í samræmi við athugasemdir byggingarfulltrúa.
Ýmis mál
11. Gögn frá Skipulagsstofnun lögð fram til upplýsingar.
Leiðbeiningar Skipulagsstofnunar um svæðis-, aðal- og deiliskipulag lagðar
fram ásamt leiðbeiningum um skógrækt í skipulagsáætlunum sveitarfélaga.
Bent á vef Skipulagsstofnunar www.skipulag.is .
12. Minnisblað um fullnaðarafgreiðslur nefnda og skipulags- og
byggingarfulltrúa.
Nefndin gerir ekki athugasemdir við minnisblaðið en telur þörf á
smávægilegum lagfæringum og felur skipulags- og byggingarfulltrúa að
lagfæra það.
Fleira ekki gert og fund slitið kl:22:00
