Umhverfis- og skipulagsnefnd Sveitarfélagsins Voga
Fundur haldinn í umhverfis- og skipulagsnefnd Sveitarfélagsins Voga,
þriðjudaginn 17. febrúar 2009 kl. 18:00 að Iðndal 2.
.
Mættir eru: Þorvaldur Örn Árnason, Hörður Harðarson, Oktavía Ragnarsdóttir, Þórður
Guðmundsson og Guðbjörg Thedórsdóttir. Einnig situr fundinn Sigurður H. Valtýsson
skipulags- og byggingarfulltrúi. Hörður Harðarson ritar fundargerð í tölvu.
Umhverfismál
1. Vogatjörn, áætlun um endurheimt hólmans og fuglalífs.
Umræða um Vogatjörn og umhverfi hennar. Nefndin leggur til að norðurbakki
tjarnarinnar verði byggður upp eins fljótt og auðið er.
Jafnframt leggur nefndin til að sérfróður aðili verði fenginn til ráðgjafar um
endurheimt fuglalífs.
2. Bréf frá Sambandi íslenskra sveitarfélaga dags. 27. janúar varðandi áherslur
í úrgangsmálum, vísað af bæjarráði til upplýsingar.
Bréfið lagt fram til upplýsingar.
Nefndin lýsir ánægju sinni með stefnumótun Sambandsins.
Byggingarleyfi
3. Tjarnargata 1b, Vogum. Umsókn Reykjaprents ehf. dags. 25.11.2008 um
byggingarleyfi fyrir skiptingu húss í 2 íbúðir, rif á skúrbyggingu og
nýbyggingar í staðinn, ýmsum breytingum á útliti og innra fyrirkomulagi,
breytingu á bílgeymslu, breytingu á frágangi lóðar og bílastæða. Skv.
aðaluppdráttum GLÁMU-KÍM arkitekta. Afgreiðsla að lokinni
grenndarkynningu.
Umsókninni var vísað í grenndarkynningu á 2. fundi nefndarinnar 12. janúar
sl. Engar athugasemdir hafa borist. Fyrir liggur samþykki eldvarnareftirlits.
Umsóknin er samþykkt, samræmist lögum nr. 73/1997.
4. Hábær 1, Vogum. Umsókn Reykjaprents ehf. dags. 25.11.2008 um
byggingarleyfi fyrir, rif á forstofubyggingu og breyting á inngangi, ýmsum
breytingum á útliti og innra fyrirkomulagi, breytingu bílastæða á lóð. Skv.
aðaluppdráttum GLÁMU-KÍM arkitekta. Afgreiðsla að lokinni
grenndarkynningu.
2
Umsókninni var vísað í grenndarkynningu á 2. fundi nefndarinnar 12. janúar
sl. Engar athugasemdir hafa borist. Fyrir liggur samþykki eldvarnareftirlits.
Umsóknin er samþykkt, samræmist lögum nr. 73/1997.
5. Kirkjugerði 10, Vogum, Umsókn Svanborgar Svansdóttur dags. 12.01.2009
um framlengingu á áður útgefnu byggingarleyfi vegna breytingar á bílskúr
skv. teikningum Gísla Gunnarssonar dags. í des. 1994, sem samþykkt var í
skipulags- og byggingarnefnd 26.11.2007. Með erindinu fylgir
grenndarkynnig með samþykki nágranna.
Ekki er þörf á frekari grenndarkynningu þar sem samþykki nágranna liggur
fyrir. Umsóknin er samþykkt, samræmist lögum nr. 73/1997.
Stöðuleyfi
6. Umsókn Gunnars Helgasonar dags. 14.01.2009 um stöðuleyfi fyrir byggingu
sumarhúss til flutnings á lóðinni að Iðndal 23, Vogum og stöðuleyfi fyrir
vinnuskúr á meðan á byggingu sumarhússins stendur. Fyrir liggur samþykki
lóðarhafa.
Stöðuleyfi fyrir byggingu sumarhússins er veitt meðan á byggingu þess
stendur eða til allt að 12 mánaða og fyrir vinnuskúrnum til sama tíma. Sækja
ber um byggingarleyfi fyrir sumarhúsinu í samræmi við kröfur
byggingarreglugerðar um byggingu frístundahúsa. Umsóknin er samþykkt,
samræmist lögum nr. 73/1997.
7. Umsókn Gunnars Helgasonar dags. 28.01.2009 um stöðuleyfi fyrir húsi til
sölu veitinga á reit milli bílaplans við íþróttamiðstöð og íþróttavallar.
Afgreiðslu umsóknarinnar er frestað þar til nánari upplýsingar liggja fyrir um
veitingasöluna, húsið og staðsetningu þess og leyfi landeiganda.
Fleira ekki gert og fund slitið kl: 19.35
