Frístunda- og menningarnefnd Sveitarfélagsins Voga

Ásgeir Eiríksson bæjarstjóri, Helga Ragnarsdóttir og Hilmar Sveinbjörnsson komu og ræddu við FMN um Reykjanes jarðvang. Ásgeir kynnti helstu upplýsingar um jarðvanginn og stöðu mála þar. Fram kom m.a. að jarðvangurinn er skráður á heimsminjaskrá UNESCO síðan árið 2015 og aðaláhersla jarðvangsins er ferðaþjónustutengd. Náið samstarf er milli jarðvangsins og markaðsstofu Reykjaness. Nokkrar framkvæmdir eru fyrirhugaðar innan jarðvangsins og fór Ásgeir yfir þær helstu. Í framhaldinu spunnust umræður m.a. um gildi jarðvangsins og ávinning hans fyrir svæðið. Fjölmargar mögulegar leiðir voru ræddar til þróunar og stefnumörkunar ferðaþjónustu í Vogum.
Ásgeir, Helga og Hilmar yfirgáfu fundinn.

Afgreiðsla frístunda- og menningarnefndar:
Nefndin leggur til að sveitarfélagið marki sér stefnu í ferðamálum og samhæfi þannig krafta. Mikilvægt er að sem flestir komi að slíkri stefnumörkun og að bæjaryfirvöld sýni frumkvæði þar að lútandi.

Rætt var um fund með félagasamtökum sem haldinn var í Álfagerði þriðjudaginn 5. apríl s.l. Vel var mætt á fundinn og var almenn ánægja með það sem þar fór fram. Nefndin ræddi aðgerðir sem færar eru til að fjölga sjálfboðaliðum og efla þannig félagsstarfið í Vogum.

Afgreiðsla frístunda- og menningarnefndar:
Ákveðið að FMN standi fyrir degi félagasamtaka árlega að hausti þar sem félögin geta kynnt vetrarstarfið og þannig fengið nýliðun til eflingar. Einnig að FMN standi fyrir fundi með félagasamtökum á vorönn til fræðslu, samráðs og umræðna. Nefndin telur jafnframt mikilvægt að viðburðir félagasamtaka séu vel kynntir, t.d. á heimasíðu sveitarfélagsins.

Formaður fór yfir menningarstefnu sveitarfélagsins en nokkrar góðar ábendingar hafa borist til nefndarinnar bæði frá stofnunum sveitarfélagsins og á fundi með félagasamtökum sem haldinn var 5. apríl s.l.

Afgreiðsla frístunda- og menningarnefndar:
Menningarstefnan lögð fram og rædd.

Frístunda- og menningarfulltrúi fór yfir stöðu mála varðandi sumarstörf í Vogum. Búið er að auglýsa sumarstörf og ráðningar eru á lokastigi. Umsóknir unglinga í vinnuskóla eru farnar að berast og unnið er að bæklingi um sumarstarf í Vogum. Stefnt er að útgáfu hans um mánaðamótin. Útlit er fyrir að námskeiðahald verði með svipuðu sniði og undanfarin ár.

Afgreiðsla frístunda- og menningarnefndar:
Málið kynnt og rætt.

Málinu er frestað.

Fundargerð frá 4. apríl lögð fram.