Frístunda- og menningarnefnd Sveitarfélagsins Voga

Fulltrúar félagasamtaka sem tóku þátt í Fjölskyldudögum voru gestir fundarins undir þessum lið. Rætt var vítt og breitt um dagskrána og framkvæmd hátíðarinnar. Margar góðar hugmyndir komu fram sem teknar verða til athugunar fyrir næsta ár.
Frístunda- og menningarnefnd þakkar öllum félagasamtökum sem komu að hátíðinni í ár fyrir sitt framlag. Einnig íbúum sem settu svip á hátíðina, m.a. með flottum skreytingum.

Viðburðarhandbók sveitarfélagsins er lifandi plagg sem er vistað á Teams svæði Frístunda- og menningarnefndar og nýtist við skipulagningu viðburða á vegum sveitarfélagsins. Handbókin er endurskoðuð reglulega.

Á fundinum voru rædd nokkur atriði sem Frístunda- og menningarnefnd telur að þurfi að skýra nánar. Íþrótta- og tómstundafulltrúa falið að vinna málið áfram í samstarfi við fulltrúa Þróttar.

Íþrótta- og tómstundafulltrúi kynnti dagskrá eldri borgara nú í haust. Félagsstarfið er farið í gang og bæði er um að ræða hefðbundið starf en einnig er boðið upp á námskeið og skemmtanir á hverju ári.

Ákveðið að fresta málinu til næsta fundar.

Ákveðið að fresta málinu til næsta fundar.

Íþrótta- og tómstundafulltrúi leggur til að gerður verði samningur við félag eldri borgara um að veita félaginu árlegan rekstrarstyrk sem notaður verði í starfsemi félagsins. Með þessu myndi skipulag og framkvæmd félagsstarfsins færast í auknum mæli til félagsins en íþrótta- og tómstundafulltrúi verður jafnframt tilbúinn til ráðgjafar.
Frístunda- og menningarnefnd felur íþrótta- og tómstundafulltrúa að leggja fram drög að slíkum samningi til kynningar áður en nefndin tekur afstöðu til erindisins.

Sveitarfélagið hlaut 100.000 kr. í styrk til að efla félagsstarf eldri borgara og hefur styrknum þegar verið ráðstafað í námskeið fyrir þá.

Frístunda- og menningarnefnd þakkar Særúnu gott bréf og hvetur til að menningarleg og söguleg sjónarmið verði höfð í heiðri við skipulag svæðisins í kringum Hafnargötu 101.