Frístunda- og menningarnefnd Sveitarfélagsins Voga

Frístunda- og menningarnefnd tekur vel í hugmyndina og felur íþrótta- og tómstundafulltrúa að vinna málið áfram. Meðal annars varðandi hugsanlegan kostnað og útfærslu.

Sveitarstjórnum ber samkvæmt lögum að standa að stofnun Ungmennaráðs og er þeim ætlað að efla lýðræðisþátttöku ungmenna.
Íþrótta- og tómstundafulltrúi lagði fram fyrstu drög að erindisbréfi fyrir Ungmennaráð Sveitarfélagsins Voga og voru þau rædd og íþrótta- og tómstundafulltrúa falið að vinna þau áfram. Nefndin frestar málinu til næsta fundar og lýsir yfir ánægju með hugmyndina.

Allt stefnir í að það verði hægt að halda Fjölskyldudaga í ár með nokkuð hefðbundnu sniði. Miðað er við að dagskrá verði frá fimmtudegi til laugardags. Fljótlega verður boðað til fundar með fulltrúum félagasamtaka þar sem nánara fyrirkomulag verður rætt.

Ef samkomutakmarkanir leyfa verður þjóðhátíðardeginum fagnað með pompi og prakt í sveitarfélaginu. Reynt verður að bjóða upp á hefðbundna dagskrá eins og kaffihlaðborð, hoppukastala og aðra skemmtun fyrir börnin en einnig voru ræddar nokkrar nýjar hugmyndir sem fá vonandi að koma í ljós þegar nær dregur. Nefndin lofar allavega góðri skemmtun ef leyft verður að koma saman.