Fræðslunefnd Sveitarfélagsins Voga
Mættir: Áshildur Linnet, Brynhildur Hafsteinsdóttir , Jóhanna Guðjóndóttir, Svava Bogadóttir, Guðbjörg
Kristmundsdóttir, Þorvaldur Örn Árnason, Jóngeir Hlinason, María Hermannsdóttir, Oddný Baldursdóttir,
Íris Pétursdóttir og Erla Lúðvíksdóttir sem jafnframt ritar fundargerð í tölvu.
Fundur settur kl. 18:05
1. Aðgengismál blindra og sjónskertra
Lögð fram skýrsla um aðgengismál blindra- og sjónskertra í Stóru-Vogaskóla. Umræður um
málið.
Þorvaldur mætir kl. 18.15
Svava fór yfir skýrslur frá Heilbrigðiseftirlitinu og Sjóvá.
Unnið er að úrbótum í skólanum.
2. Þátttaka í skólavoginni
Lagt fram bréf frá Sambandi ísl. sveitarfélaga dags. 13. janúar um þátttöku í skólavoginni 2009.
Svava kynnti spurningalista sem verða lagðir fyrir foreldra og börnin um matinn í skólanum.
Fulltrúar leikskóla og Guðbjörg mættu til fundar kl. 18:20.
3. Skóladagatal
Umræða um skóladagatöl grunn- og leikskóla.
Fræðslunefnd leggur til við skólastjóra grunn- og leikskóla að samræma starfsdaga skólanna.
Jafnframt leggur fræðslunefnd til við bæjarráð að samþykkt verði að leikskólinn Suðurvellir fái
fjóra starfsdaga á komandi skólaári líkt og á þessu skólaári. Samþykkt samhljóða.
Fulltrúar grunnskóla véku af fundi kl. 18: 25.
4. Ársskýrsla Suðurvalla
Lögð fram ársskýrsla Suðurvalla. María kynnti skýrsluna.
Fræðslunefnd þakkar stjórnendum Suðurvalla fyrir góða skýrslu sem veitir yfirsýn yfir starfsemi
skólans.
5. Viðhorfskönnun starfsmanna
Skólastjóri kynnir viðhorfskönnun og móttökuáætlun nýrra starfsmanna og starfsmannaviðtöl.
Fræðslunefnd óskar stjórnendum til hamingju með góðan starfsanda í skólanum með von um að
góðu starfi verði fram haldið á komandi árum.
Fulltrúar leikskóla véku af fundi kl.18:40.
6. Skólastefna
Farið yfir verkefni á næsta hugarflugsfundi samráðshóps um skólastefnu sem haldinn verður í
Álfagerði 25. mars kl. 17:00-19:00.
7. Bréf sem borist hafa
Lagt fram bréf frá Félagi tónlistarskólakennara dags. 6. janúar, ályktun um stöðu
tónlistarskólanna.
Fleira ekki rætt og fundi slitið kl 18:50.
