Fræðslunefnd Sveitarfélagsins Voga

Lagt fram yfirlit um biðlista eftir leikskóla í janúar 2014. María Hermannsdóttir leikskólastjóri fór yfir málið og kynnti. Á biðlistanum eru nú 6 börn.

Upplýsingar um skimunarprófið Hljóm-2 lagt fram og kynnt. Leikskólastjóri kynnti niðurstöður úr prófinu sem framkvæmt var haustið 2013 ásamt samanburði við niðurstöður prófa fyrri ára.

Niðurstaða viðhorfskönnunar meðal starfsfólks leikskólans unnin í október 2013 lögð fram og kynnt. Fræðslunefnd lýsir yfir ánægju sinni með niðurstöðu viðhorfskönnunarinnar.

Funda- og námskeiðahandbók leikskóla Hafnarfjarðar lögð fram og kynnt af leikskólastjóra.

Lagt fram minnisblað Svövu Bogadóttur skólastjóra um kynningu sem fram fór á dögunum á niðurstöðum ytra mats grunnskólans. Niðurstöður matsins verða birtar um leið og þær liggja fyrir í endanlegri skýrslu matsaðila.

Svava Bogadóttir skólastjóri grunnskólans fór yfir og gerði grein fyrir starfsemi Tónlistarskóla Sveitarfélagsins Voga, sem er starfræktur innan veggja grunnskólans. Nemendur tónlistarskólans eru allir nemendur grunnskólans, og eru nú 10 nemendur á biðlista eftir að komast að í hljóðfæranámi. Fræðslunefnd samþykkir að fela skólastjóra að gera úttekt á möguleika til aukningar á tónlistakennslu við skólann. Samþykkt samhljóða.