Fræðslunefnd Sveitarfélagsins Voga
Dagskrá
1.Almenn kynning á skólastarfi grunnskólans veturinn 2018-19
1905016
Hálfdan Þorsteinsson skólastjóri Stóru-Vogaskóla kynnir vetrarstarf skólaársins sem er að líða.
Nefndin þakkar Hálfdani fyrir kynninguna
2.Starfsmannamál Stóru-Vogaskóla vor 2019
1905019
Hálfdan Þorsteinsson skólastjóri Stóru-Vogaskóla fer yfir starfsmannamál skólans fyrir skólaárið 2019-20.
Starfsmannamál fyrir næsta vetur eru í góðum farvegi. Nefndin ákveður að á næsta fundi verði rætt hvernig hægt sé að auðvelda starfsfólki skólans að ljúka réttindanámi.
3.Nýtt fyrirkomulag á list- og verkmenntakennslu á unglingastigi í Stóru-Vogaskóla 2019
1905020
Hálfdan Þorsteinsson skólastjóri Stóru-Vogaskóla fer yfir nýtt fyrirkomulag í list- og verkmenntakennslu á unglingastigi. Kynnir nýtt fyrirkomulag í vali á unglingadeild.
Fyrirkomulagið verður í smiðjuformi og kennt verður í lotum. Unnið verður í aldursblönduðum hópum í 8. - 10. bekk. Umræður um þetta.
4.Niðurstöður kannana (skólapúls, starfsmannakönnun, nemendakönnun, foreldrakönnun) vor 2019
1905021
Hálfdan Þorsteinsson skólastjóri Stóru-Vogaskóla kynnir niðurstöður nokkurra kannana.
Málið kynnt og rætt.
5.Tækjakostur í námsveri Stóru-Vogaskóla
1905014
Formaður fræðslunefndar kynnir málið er varðar tækjakost í námsveri Stóru-Vogaskóla og áhuga fyrir því að fjölga þar fartölvum ásamt fleiru.
Starfsfólk skólans er meðvitað um þörfina á að fjölga tölvum í skólanum og nýta þau tækifæri sem notkun þeirra gefur.
6.Notkun nemenda á framhalds- og háskólastigi á bókasafni
1905013
Formaður fræðslunefndar kynnir hugmyndir um að skoða möguleika á því að gera nemendum á framhalds- og háskólastigi kleift að nýta sér aðstöðu á bókasafni Stóru-Vogaskóla.
Skólastjóri og forstöðumaður bókasafns taka vel í hugmyndina og vilja ræða nánari útfærslu á fyrirkomulaginu. Skólastjóra falið að kanna hvaða leiðir eru færar og hver kostnaður yrði. Málið tekið upp á fyrsta fundi nefndarinnar í haust.
7.Barnvænt Sveitarfélag
1903026
Matthías Freyr Matthíasson íþrótta- og tómstundafulltrúi kynnir málið.
Fræðslunefnd lýsir ánægju með verkefnið og hvetur bæjarstjórn til að taka næstu skref og halda áfram með það.
8.Almenn kynning á skólastarfi heilsuleikskólans Suðurvalla veturinn 2018-19
1905012
Ragnhildur Hanna Finnbogadóttir aðstoðarskólastjóri Heilsuleikskólans Suðurvalla fer yfir starf skólans.
9.Starfsmannamál Heilsuleiksólans Suðurvalla vor 2019
1905017
Ragnhildur Hanna Finnbogadóttir aðstoðarskólastjóri Heilsuleiksólans Suðurvalla fer yfir starfsmannamál skólans veturinn 2019-20.
Skólinn er fullmannaður fyrir næsta haust og ráðið var í tvær stöður nýlega.
10.Heilsuleikskólinn Suðurvellir - staða á biðlista vor 2019
1905018
Ragnhildur Hanna Finnbogadóttir aðstoðarskólastjóri Heilsuleiksólans Suðurvalla fer yfir stöðu á biðlista.
Biðlisti hefur verið tæmdur og enn eru nokkur laus pláss.
Fundi slitið - kl. 19:40.
