Fræðslunefnd Sveitarfélagsins Voga

Ársskýrsla Heilsuleikskólans Suðurvalla er gefin út árlega og er aðgengileg á heimasíðu skólans. Skýrslan gefur greinargóðar upplýsingar um starfsemi leikskólans en ekki er um að ræða stórar breytingar frá fyrra ári.
Skýrslan er lögð fram til kynningar.

Á haustönn 2019 fór fram ytra mat á starfsemi leikskólans. Útkoman úr því mati var mjög góð en bent var á ákveðin atriði til umbóta. Nú hefur verið brugðist við þeim ábendingum og gerð hefur verið lokaskýrsla um stöðu umbóta. Flestum þáttum er lokið en nokkrir þættir eru alltaf í þróun. Ytra mati á leikskólanum er þar með lokið að þessu sinni.
Skýrslan er lögð fram til kynningar.

Fundadagskrá lögð fram og samþykkt. Dagskráin er lifandi skjal sem getur þrátt fyrir það tekið breytingum eftir þörfum nefndarinnar.

Fræðslunefnd samþykkir framlagðar reglur.

Núgildandi samningur lagður fram, kynntur og ræddur.Stjórnendur beggja skólanna lýstu yfir ánægju sinni með framkvæmd samningsins.

Fræðslunefnd leggur til að í stýrihóp um þarfagreiningu í húsnæðismálum skóla verði skipuð: María Hermannsdóttir, Hilmar Egill Sveinbjörnsson, Daníel Arason, Eva Björk Jónsdóttir, Bergur Brynjar Álfþórsson og Jóna Kristbjörg Stefánsdóttir.
Auk þess leggur nefndin til að gerðar verði þær breytingar á orðalagi erindisbréfs að ekki sé nauðsynlegt að fulltrúar nefndarinnar séu kjörnir fulltrúar. Að öðru leyti samþykkir nefndin framlagt erindisbréf.

Skólastjóri kynnti niðurstöður Skólapúlsins ítarlega og um það sköpuðust gagnlegar umræður.

Skólastjóri kynnti fyrir nefndarmönnum hvað var gert í tilefni af 150 ára afmælis skólahalds í sveitarfélaginu sem var á seinasta ári.

Nefndin samþykkir skóladagatalið.

Skólastjórnendur telja nauðsynlegt að efla starf húsvarðar við skólann sem hefði fasta viðveru í skólanum á skilgreindum tímum. Óskað er eftir því að leitað verði allra leiða til að svo megi verða.