Fræðslunefnd Sveitarfélagsins Voga

Ársskýrlsa Heilskuleikskólans Suðurvalla fyrir árið 2014 er lögð fram til kynningar.

Með fundarboði fylgir jafnréttisáætlun Heilsuleikskólans Suðurvalla, sem unnin er í samræmi við lög nr. 10/2008 um jafna stöðu og jafnan rétt kvenna og karla. Áætlunin er lögð fram til kynningar.

Lögð fram foreldrakönnun Heilsuleikskólans Suðurvalla, uppfærð 16. apríl 2015. Fræðslunefnd lýsir yfir ánægju með þær niðurstöður sem fram koma í könnuninni.

Lögð fram niðurstaða Hljóm-2 prófs sem framkvæmt var haustið 2014.

Lagt fram leikskóladagatal 2015 - 2016. Fræðslunefnd samþykkir samhljóða leikskóladagatalið fyrir sitt leyti.

Lagt fram grunnskóladagatal 2015 - 2016. Fræðslunefnd samþykkir samhljóða grunnskóladagatalið fyrir sitt leyti.

Skólastjóri fór á fundinum yfir stöðu húsnæðismála skólans. Skólastjóri leggur til að færanleg kennslustofa við leikskólann verði færð yfir á lóð grunnskólans, enda ekki gert ráð fyrir að leikskólinn þurfi á henni að halda á næsta skólaári. Starfsemi grunnskólans býr við frekar þröngan húsakost, og því mundi þessi lausn gagnast skólanum og starfseminni vel. Fræðslunefnd tekur jákvætt í erindið fyrir sitt leyti.

Skólastjóri fór yfir stöðu starfsmannamála grunnskólans og gerði grein fyrir breytingum á starfsmannahaldi næsta skólaárs.

Lagður fram tölvupóstur frá STEFi dags. 8.4.2015, um leyfi til uppsetninga söngleikja innan skólakerfisins.

Lagður fram samningur um Sprotasjóðsverkefni vegna verkefnisins: Sjálfsálit - trúa á eigin námsgetu, nemendur færir í flestan sjó. Samningurinn er milli Menna- og menningarmálaráðuneytisins og Stóru-Vogaskóla. Styrkfjárhæðin er 1,0 m.kr.

Lögð fram niðurstaða könnunar um starfsemi frístundaheimila.

Lögð fram til kynningar gögn um könnun á framkvæmd laga um grunnskóla.